Florentino Azpeitia Moros

zoólogo atecano (1859-1934)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Florentino Azpeitia Moros
Información personal
Calendata de naixencia 13 de marzo de 1859
Puesto de naixencia Ateca (Comunidat de Calatayú, Aragón)
Calendata de muerte 2 de chinero de 1934
Puesto de muerte Madrit (Espanya)
Ocupación incheniero, malacologo, paleontologo

Florentino Azpeitia y Moros ye naixito o 13 de marzo de 1859 d'Ateca y morió en Madrit o 2 de chinero de 1934). Estió un naturalista polifacetico aragonés.

Tenió a sabelo de cargos academicos y cientificos, pero ye muito desconoixito en a historia d'a ciencia espanyola (talment por o suyo orichen aragonés), dica o punto que a Base de Datos mes important d'o mundo sobre abreviacions de botanicos (IPNI) lo tien con a suya filiación erronia.

Estió alumno d'o uescán Lucas Mallada. Tamién estió profesor de cheolochía y de paleontolochía d'a "Escuela de Ingenieros de Minas" de Madrit.

Teneba conoixencias de cheolochía, y participó en controversias cheolochicas, a mes de discusions sobre taxonomía, nomenclatura y identificación d'especies actuals y fosils. Destacó como especialista en malacolochía y diatomolochía, teneba coleccions muito grans, y publicaba monografías exaustivas, como a que fació sobre o chenero Melanopsis, que conoixeba bien por trobar-ne eixemplars aislatos en as auguas termals de Charaba y Alfama d'Aragón. Tamién li feba goyo l'analís bibliografico y epistemolochico.

Estió academico d'a Real Sociedad Española de Historia Natural y o suyo president en 1906. En a suya esfensa pa tener dreito a la cadiera de miembro leyó Significado y valor de las especies fósiles, como argumento en Geología para la clasificación y distinción de los terrenos[1]

Referencias editar

Bibliografía editar