Abrir menú principal
Fernando Esteso
Información personal
Nombre real Fernando Julián Esteso Allué
Calendata naiximiento: 16 de febrero de 1945
Puesto naiximiento: Flag of Aragon.svg Zaragoza (comarca de Zaragoza, Aragón)
Premios Simón d'o Cine Aragonés.
- 2016: Premio Simón d'Honor.

Fernando Esteso (nombre artistico de Fernando Julián Esteso Allué), naixito de Zaragoza (comarca de Zaragoza) o 16 de febrero de 1945, ye un actor aragonés, activo en o teatro d'Espanya dende meyatos d'os anyos 1960 y en o cine espanyol dende primerías d'os anyos 1970. En quantas d'as suyas cintas treballó con l'actor Andrés Pajares y con o director Mariano Ozores, destacando por os suyos papels en o cine erotico (o "cine de destape" que mas que mas se feba en ixe inte en o cine espanyol) y humoristico espanyol de zaguerías d'os anyos 1970 y primerías d'os anyos 1980. Tamién tenió un cierto éxito como cantaire humoristico. As suyas cantas més conoixitas estioron El Bellotero (chuego de parolas con La Bella Otero) y La Ramona.

D'entre a suya filmografía, se puet destacar cintas como Los bingueros (1979, Mariano Ozores), Yo hice a Roque III (1980, Mariano Ozores), Todos al suelo (1981, Mariano Ozores), El currante (1983, Mariano Ozores), La Lola nos lleva al huerto (1984, Mariano Ozores), u ¡Qué tía la C.I.A.! (1984, Mariano Ozores).

O 6 d'agosto de l'anyo 2010 fue premiato con o Golden Farton en o tercer Freak Film Festival de Valencia,[1] on li rindioron homenache, en l'anyo 2016 recibió o Premio Simón d'Honor concedito por l'Academia d'o Cine Aragonés por a suya carrera cinematografica.

O suyo pai yera o interpresario teatral Lázaro Esteso.

FilmografíaEditar

ReferenciasEditar

Vinclos externosEditar