Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A fase lunar ye un termin astronomico que fa referencia a la porción d'a Luna que ye vistable en estar iluminada por o sol.[1] A Luna fa diferents plantas en o suyo chiro arredol d'a Tierra, seguntes a suya posición respective a o Sol. Cuan se troba entre a Tierra y o Sol, nos ofreix a suya cara no iluminada (novilunio u luna perdida). Una semana dimpués a Luna ha feito un cuarto de vuelta y nos presenta meya cara iluminada (luna en creixient u luna que creix). Unatra semana mas y a Luna ocupa una posición aliniada con o Sol y a Tierra, ufrindo-nos toda a cara iluminada (plenilunio, luna plena u luna en plena). A l'atra semana trobamos a luna mingua. Transcorridas cuatro semanas nos trobamos de nuevas en novilunio. O tiempo transcorrido entre dos novilunios de clama mes lunar u mes sinodico y ye de 29,53 días solars meyos. As fases d'a Luna son muit relacionaus con periodos d'o calandario como a semana y o mes. Son a base d'o calandario musulmán.


Os nombre tradicionals en aragonés d'as cuatro fases lunar son:

  1. Luna perdida (astronomicament novilunio).
  2. Luna creixient u luna que creix.
  3. Luna plena, u luna en plena (astronomicament plenilunio).
  4. Luna mingua.[2]

Os planetas tamién tienen as suyas fases. Galileo Galilei estió o primero en descubrir que Venus presentaba fases como a luna, argumento que emparaba a Teoría heliocentrica.

Referencias editar

  1. (en) Joseph A. Angelo Jr. Encyclopedia of Space and Astronomy, Facts on File, 2006, ISBN 978-0-8160-5330-8, p.451
  2. (es) María Luisa Arnal Purroy: Diccionario del habla de la Baja Ribagorza Occidental. Gara d'Edizions, 2003. p 133.

Bibliografía editar

Vinclos externos editar