Abrir menú principal

Falla transformant d'Azores-Chibraltar

La falla transformant d'Azores-Chibraltar, tamién dita zona de falla Azores-Chibraltar, ye una falla de gran escala que va dende la versant oriental de lo Rift de Terceira en las Islas Azores dica la Mar Mediterrania pasando por lo Estreito de Chibraltar. Fa part de lo contacto tectonico entre la placa euroasiatica y la placa africana. La suya prolongación a l'este de lo Estreito de Chibraltar en la Mar Mediterrania no se conoixe bien y se gosa etiquetar como un "contacto difuso". En bell puesto cerca de la Peninsula Italica muitos cheologos creyen que la falla conecta con una zona de subducción a on la placa africana subduce lentament baixo la placa euroasiatica.

Esta falla ye una falla transformant de movimiento lateral dreito, movendo-se arredol de 4 mm por anyada, pero los segmentos orientals de la falla presentan evidencias de compresión tamién.

BibliografíaEditar