Externsteine

Externsteine ye un conchunto de penyas situadas en a selva de Teutoburgo, en o municipio de Horn-Bad Meinberg en o estato federato de Renania d'o Norte-Westfalia, Alemanya.

Externsteine.

HistoriaEditar

En una tradición popular que se remonta a una ideya proposada a Hermann Hamelmann en 1564, l'Externsteine s'identifica como un puesto sagrau d'os saxons pagans, y a ubicación de o suyo Irminsul suposadament destruyiu por Carlos Magno.

As penyas s'usoron como o puesto d'una ermita en a Edat Meya, y a lo menos entre o periodo medieval estió o puesto d'una capiella cristiana. O relieu d'Externsteine ye una representación meyeval d'o Descendimiento d'a Cruz.

L'Externsteine ganó prominencia quan os eruditos nacionalistas s'intresoron por ell en zaguerías d'o sieglo XIX y en primerías d'o XX. Iste intrés aconsiguió o suyo punto maximo baixo o rechimen nazi, quan l'Externsteine se convirtió en un foco de propaganda nazi. Hue en día, siguen estando un destín turistico muito popular y tamién continan atrayendo tanto a os neopagans y como que a os grupos neonazis.

EtimolochíaEditar

As formas mas antigas rechistradas d'o nombre se leyen Agistersten y Eggesterenstein, todas dos con calendata de 1093. Atras formas d'o nombre incluyen Egesterenstein (sieglo XII), Egestersteyn (1366), Egersteyne (1369), Egestersten (1385), Egesternsteyn (sieglo XV), Eygesternsteyn, Externsteine (1533) y Agisterstein (1592).

A etimolochía d'o nombre Externsteine no ye clara y i hai quantas teorías.

  • que promana d'a parola d'o Baixo saxón Eckster (en aragonés picaraza) asinas Externsteine significaría Penyas d'as picarazas.
  • que promana d'o chigant clamau Ecke (u Ekka) que amaneixe en o poema meyeval Eckenlied.
  • que promana d'a parola d'o baixo alemán Egge (en aragonés penya punchaguda).