Eusko Abendaren Ereserkia

Eusko Abendaren Ereserkia
Información cheneral
En aragonés	Himno d'a Raza Vasca
Atros nombres	Gora ta Gora, Euzko Abendaren Ereserkija, Euskadiko Ereserkia
Himno nacional d'o País Vasco
País	País Vasco
Adopción	14 d'abril de 1983
Idioma	Vasco
Chenero	Himno nacional Sabin Arana Goiri, 1902 Cantante/Voz: Jose Antonio Urdiain

Eusko Abendaren Ereserkia u Euskadiko Ereserkia (en idioma aragonés Himno d'a Raza Vasca u Himno d'Euskadi, en grafía sabiniana orichinal Euzko Abendaren Ereserkija) ye o himno oficial d'o País Vasco. Ye popularment conoixito como o Gora ta Gora (Entalto y entalto), en estar istas as palabras que se mencionan en o suyo inicio.

Historia

A melodía d'iste himno ye una melodía popular vasca anonima que antigamente gosabe interpretar-se en prencipiar os bailes como un saludo enta la bandera.

A zaguerías d'o sieglo XIX, quan o nacionalismo trunfaba en Europa y en o País Vasco, Sabino Arana Goiri prenió ista melodía, n'escribio una letra y a tituló orichinalmente como Euzko Abendaren Ereserkija ("Himno d'a Raza Vasca" u "Himno d'a Etnia Vasca").

O primer Gubierno Vasco de 1936 (formado por representants d'o PNV, ANV, PSOE, PCE, Izquierda Republicana y Unión Republicana) adoptó ista melodía (sin a letra d'Arana) como himno d'o País Vasco.

Aprobación

Dimpués de l'aprobación d'o estatuto d'autonomía d'o País Vasco (1979), o 14 d'abril de 1983 o Parlamento Vasco adoptó, con os votos d'o Partido Nacionalista Vasco y d'o Centro Democrático y Social y a oposición d'o PSE-PSOE, Euskadiko Ezkerra y Alianza Popular, ista melodía como himno oficial, negando o suyo caracter partidista. Qui s'oponeba a ista mesura sí que la consideraban partidista y apostaban por l'adopción d'a canta de José María Iparraguirre Gernikako arbola ("L'árbol de Guernica", 1853), con o refirme d'Alianza Popular y sectors tradicionalistas y carlistas, u por a canta de José María Garate Eusko Gudariak ("Os soldatos vascos", 1931), ista ultima con o refirme de Herri Batasuna y Euskadiko Ezkerra.

L'arreglo oficial ta orquesta ye obra de Tomás Aragüés.

Parolas

En vasco	En aragonés
Gora ta Gora Euzkadi aintza ta aintza bere goiko Jaun Onari. Areitz bat Bizkaian da Zar sendo sindo bera ta bere lagia lakua Areitz gainean dogu gurutza deuna beti geure goi buru Abestu: gora Euzkadi aintza ta aintza bere goiko Jaun Onari	Entalto y entalto o País Vasco gloria y gloria a o suyo Buen Sinyor d'alto. Bi ha en Vizcaya un caixico viello, cerenyo, sano ell como a suya mesma lei Dencima o caixico tenemos a la santa cruz siempre o nuestro lema Cantatz: entalto o País Vasco gloria y gloria a o suyo Buen Sinyor d'as altarias.

Vinclos externos

• (eu) Ascuitar o himno "Euzko Abendaren Ereserkia" en Youtube.com.
• (eu) Ascuitar o himno "Euzko Abendaren Ereserkia" cantato por a Camareta de La Luna d'Archentina.