Pistilo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O pistilo (d'o latín <PISTILUM,[1] «mallo de mortero») ye l'organo reproductivo femenino d'as plantas anchiospermas, que de regular se troba en o centro d'a flor y ye formau por un carpelo (pistilo unicarpelar) u mas d'un carpelo (multicarpelar). Os carpelos que forman o pistilo son en realidat un verticilo de follas modificadas.
O conchunto de pistilos que i haiga en a flor constituyen o chineceu. Os chineceus pueden constar d'un pistilo u mas d'uno que, a la suya vegada, pueden estar chunius por parez soldadas (chineceu gamocarpelar u sincarpico) u libres entre éls (chineceu dialicarpelar u apocarpico).
Partes d'o pistilo editar
En o pistilo se fa distinción de tres partes claras:
- L'ovario: A cavidat a on que i son zarraus os ovulos. Sole estar a parte mas baixa, en contacto con o pedunclo u a base d'a flor y tener una forma mas engruixida y arronchada, como una pancha. Se troba arrodeyau de a resta de verticilos florals y en función de a posición que ocupa en relación con ixes, se charra d'ovarios superos u inferos.
- O estilo: Ye una parte estéril y forma un cuello u conducto por a on que pasará o conteniu chenetico d'o polen mientres os ovulos se fecundan. Puede no existir en determinadas especies, y o estigma trobar-se alavez chusto en alto de l'ovario (estigma sésil).
- O estigma: Cavidat u receptaclo superior de toz, que se troba en o extremo d'o estilo. Produce o liquido estigmatico, que fa que o grano de polen s'apegue y facilita la fecundación. Existen os estigmas sésils, en flors que no tienen estilo.
Se veiga tamién editar
Referencias editar
- ↑ (es) «Pistilo» en a edición en linia d'o Diccionario de la Real Academia, consultau o 16 de chunio de 2018.
