Diferencia entre revisiones de «Carachais»

Como en o caso d'os [[Balcars]], d'alcuerdo con a teoría més azeutata a suya etnochenesis estaría en [[cumans]] que se refuchioron en o [[Caucaso]] fuyindo d'os [[Imperio Mongol|mongols]] que los eban embadito en o [[sieglo XIII]]. En o Caucaso aberban absorbito restos d'o pueblo [[alans|alán]] aligatos con os cumans.

En agosto de 1942 os alemans plegoron a lo mont [[Elbrús]]. Con l'aduya d'os [[tartres]] [[panturquismo|panturquista]]s refuchiatos en Turquía se formó o [[comité Nazional d'o Caucaso d'o Norte]], con a intenzión d'aplegar a los carachais e balcars en una mesma demarcazión territorial (os sobieticos no la eban feita porque a presenzia d'un reliebe como o Elbrús no permite comunicazions dreitas). Sin d'embargo enantes de [[cabo d'año]] os alemans abioron d'ebacuar a zona por a derrota en [[Batalla de Stalingrado|Stalingrado]], que no lis permitiba defender as posizions en o Caucaso e a [[Mar Negra]]. En represalia en nobiembre de [[1943]] as autoridaz sobieticas deportoron en masa a los carachais t'Asia Zentral, y o 8 de marzo de 1944 fazioron lo mesmo con os balcars. No en tornarían dica [[1957]], e a diferenzia d'o que se desbinió en [[Ingushetia]] u [[Crimeya]], o suyo territorio no fue ocupato por nazionalidaz bizinas. A ''Oblast'' de Carachaievo-Cherquesia fue restablita. No fuoron formalment "reabilitatos" dica nobiembre de 1989. En 1990 se proclamó a Republica QuarachaiCarachai en acto merament formal, car no tienen reconoximiento ofizial de Rusia ni d'atros estatos.