[[Imachen:Logo SLA.png|thumb|400px|O logo d'a SLA]]
A '''Sociedat de Lingüistica Aragonesa''' u '''SLA''' (en [[grafía de Uesca]]: ''Soziedá [-dat] de Lingüistica Aragonesa'') ye una asoziazión que s'adedica á la promozión d'a luenga [[aragonés|aragonesa]] á trabés de l'investigazión zientifica en [[lingüistica]]. Se fundó en o [[2004]].
A motibazión d'a creyazión d'a SLA ye l'ambizión d'un treballo zientifico d'alta cualidat: se presenta como una alternatiba al treballo d'o [[Consello d'a Fabla Aragonesa]] (CFA) que, seguntes a SLA, presentarba grans mancanzas de rigor.
A SLA elabora una codificazión de l'aragonés, dita [[grafía SLA]], que ye un modelo diferent d'a [[grafía de Uesca]] promozionata por o Consello d'a Fabla Aragonesa (CFA). A grafía SLA se preocupa d'a conesión de l'aragonés con as normas d'as atras luengas romanzes, espezialment d'o [[Idioma catalán|catalán]] e de l'[[oczitán]]. Ye la base d'una posible estandarizazión futura de l'aragonés que tenerba en cuento un conoximiento serio d'a dialeutolochía aragonesa e que serba una alternatiba al modelo d'"aragonés común" d'o CFA, estimato artifizial por a SLA.
A SLA edita a rebista ''[[De Lingva Aragonensi]]'' con a boluntat d'amillorar e dinamizar as publicazions zientificas sopre l'aragonés.
Tamién os lingüistas d'a SLA partizipan regularment a varios coloquios e rebistas internazionals de lingüistica.
O president d'a SLA ye o lingüista [[benasqués]] [[José Antonio Saura Rami]].