José Solana Dueso

José Solana Dueso va naixer en Plan, en l’año 1946. Va estudiar filosofía en las universidaz de Zaragoza y Barcelona. Se va doctorar con una tesis adedicada a’l sofista griego Protagoras de Abdera, per la que va ganar el premio estraordinario. Ha adedicau la suya vida a la dozenzia y la investigazión: primer, como catedratico de filosofía en enseñanzas medias y, dimpués, dende 1990, como profesor titular y catedratico de la Universidat de Zaragoza.

Ha publicau troballos d’investigazión en castellano sobre filosofía griega: se’n puede fer menzión d’es siguiens libros: Teofrasto. Sobre las sensaciones (1989); Aspasia de Mileto. Testimonios y discursos (1994); Los sofistas. Testimonios y fragmentos (2013); y, Más allá de la ciudad. El pensamiento político de Sócrates (2013). Tamién ha publicau tres novelas en castellano relazionadas con la cultura y la filosofía griegas: La malva y el asfódelo (2006); Ciudadano Sócrates (2008); El canto del filósofo (Edhasa 2014). Los amantes de Chistau (Prames, 2016), la suya primera novela sobre l’Aragón medieval, cuenta una faloria romantica entre un pastor de Plan y una choven musulmana de L’Aínsa. Amás d’estes libros, ye autor d’una tremenera d’articlos en revistas espezializadas. Se alcordó conzeder el XXII Premio “Arnal Cavero” 2016.