Cultura celtiberica

A cultura zeltiberica yera una cultura que se desembolicó en a parte nororiental de a Meseta y Sistema Iberico en a II Edat de o fierro.

Representa a estensión de determinatos elementos culturals de a cultura iberica por tierras de más a l'interior, entre comunidaz de lengua indoeuropeya zelta, que enantes eban desembolicato atras culturas como a cultura protozeltiberica u a cultura de os castros sorianos, relazionatas con a cultura de os campos d'urnas.

Entre os elementos iberos d'esta cultura tenemos a organizazión en ziudaz-estato, influyenzias zeramicas, y l'alfabeto iberico, (encara que puede estar que a difusión d'este alfabeto ye d'epoca romana).

Trobamos entre os elementos no iberos a luenga zeltibera, a bestimenta y a relichión.

No i eba una deseparazión neta entre a cultura iberica de l'Ebro y a cultura zeltiberica por o que fa á a cultura material trobata en os chazimientos. Lo que beyemos ye un cambeo progresibo en a Depresión de l'Ebro y Sistema Iberico.

A cultura zeltiberica corresponde con os zaguers pueblos que os romans clamaban zeltibers: arebacos, pelendons, lusons, belos y titos. No zitatos pos as fuens clasicas tenemos a os belaicos de a Uerba, conoxitos por l'arqueolochía.