Esparver (desambigación)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Esparver, esparvel y esparvero, diferents formas cheograficas d'o mesmo termino, que tiene usos muit ambiguos ta referir-se a diferents aus de presa de mida meyana, puede estar:

Aus de presa de dimensions meyanas

Aus que tienen a lonchitut d'o cuerpo d'entre 50 y 80 cm, y que cuan obren as alas no superan os 1,80 metros d'envergadura:

1. Un au de presa común, de color marrón por tot o cuerpo, alas d'extrimos arronchaus y una faixa blanca caracteristica en a cara inferior de cadaguna. Se veiga o chenero Buteo.
2. Un au de presa no guaire común, de color grisa fusca en o dorso y blanca con piquetas u rayetas negras en o vientre, que se sole trobar en arias boscosas y tansament sen i puede veyer en proximidat d'arias habitadas. Se veiga Accipiter gentilis.
3. Un au de presa común, de color marrón, que se sole albirar planiando en circulos sobre os campos y espacios obiertos, que presenta as alas luengas y con extrimos en punta, y dos puntas en a coda, como si se le bifurcase. Se veiga a tribu Milvinae.

Aus de presa de dimensions chiquetas

Aus que tienen a lonchitut d'o cuerpo d'entre 30 y 50 cm, y que cuan obren as alas no superan o 1,30 metros d'envergadura.

1. Un au de presa chiqueta, de color grisa u azulenca en o dorso, clareta en o vientre. O vientre d'as fembras puede manifestar bella cosa de color royisca arredol d'o papo y a parte inferior d'a cara. Se veiga Accipiter nisus.
2. Un au de presa chiqueta, con as alas en punta y a coda tiesa, poco propensa a obrir-la mientres vola. De color grisa azulenca por a par d'alto y blanca per debaixo. Se veiga Falco columbarius
3. Un au de presa chiqueta, de color marrón, que se sole trobar en espacios obiertos y que caza cernindo-se en l'aire. Se veiga Falco tinnunculus.

Icono de desambigación

Ista ye una pachina de desambigación Ixo ye, una pachina que enumera articlos diferents con o mesmo títol y aduya a endrezar-se enta lo más adequato. Si i yes plegato traviés de bell vinclo interno erronio, por favor torna ta correchir-lo y fer que o vinclo s'endrece ta la pachina que calga.