Escoceses de l'Ulster
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Escoceses de l'Ulster Ulstèr-Scotch Ultais | |||||||||
|---|---|---|---|---|---|---|---|---|---|
 | |||||||||
 | |||||||||
 Ulster | |||||||||
| |||||||||
| Anglico escocés, anglés | |||||||||
| Presbiterianismo | |||||||||
| Escoceses de las Lowlands, angleses, irlandeses | |||||||||
Los escoceses de l'Ulster son la población d'orichen escocés que s'ha iu establindo en lo norte d'Irlanda dende lo sieglo XVII como colonizadors britanicos asimilando a irlandeses autoctonos y a los angleses con los qui emigroron. Son de relichión protestant presbiteriana y charran anglico escocés u anglés.
Luenga
editar
Las parlas orichinals de los escoceses de l'Ulster reciben la denominación de Ulster Scots y fan part de l'anglico escocés u Scots, traito dende Escocia dende lo sieglo XVII. Los escoceses de l'Ulster parlan tamién l'anglés, que ye la luenga oficial d'Irlanda de lo Norte.
Lo escocés de l'Ulster se charra en tres zonas actualment sin contiguidat territorial. La mes gran ocupa una buena part de lo Condau d'Antrim y una part chica de lo Norte de lo Condau de Londonderry. Las atras dos son en Down y en lo Norte de Donegal, respectivament a l'este y a l'ueste de la principal.
Historia
editarEn l'Ulster dominó lo clan de los Uí Néill. Los suyos descendients, Los O'Neill, presentoron violenta resistencia a la conquiesta anglesa a zaguers de lo sieglo XVI. Hug O'Néill, conte de Tyrone, consiguió notables victorias frent a los exercitos d'Isabel I, pero fue derrotato en 1607 y fuyió enta Europa con atros nobles irlandeses de l'Ulster. Las fincas que deixoron fuoron ocupadas por protestants escoceses y angleses. La plegada de los nuevos colonos suposó la marguinación de los catolicos irlandeses y la supremacía de los protestants.
Las plantations de colonos protestants no tenioron exito que en la redolada de Belfast, a on que se convertioron en la población mes numerosa, población formada por toz los livels socials. Lo feito que los colonos escoceses fuesen chent de diferents clases socials permitió que s'asimilasen a los irlandeses como heba esdevenito con colonos anterior; en cuenta d'esto ye posible que cualques irlandeses nativos s'asimilasen a los escoceses en Antrim y Down convertindo-se a lo presbiterianismo. Pa evitar que los irlandeses catolicos autoctonos recuperasen lo poder fundoron la Orden d'Orange como grupo d'autodefensa.
A primers de lo sieglo XX los protestants yeran mayoritarios en los condaus d'Antrim, Down, Armagh, Londonderry, y minoritarios en los atros condaus de l'Ulster: Fermanagh, Tyrone, Donegal, Monaghan y Cavan.
A zaguers de 1920 lo parlamento britanico votó una lei que dividió la isla en dos parz, cadaguna autonoma y con estructura confederal. Pa asegurar la supremacía de los protestants la delimitación d'Irlanda de lo Norte de 1920 no incluyó los tres condaus de l'Ulster mes catolicos de Donegal, Monaghan y Cavan. Manimenos los grans terratenients consiguioron que los condaus de Fermanagh y Tyrone de mayoría catolica quedasen en Irlanda de lo Norte chunto con los cuatre de mayoría protestant de Antrim, Down, Armagh y Londonderry pa dar-lis una viabilidat economica.
Las eleccions dioron una mayoría a los unionistas en la part norte d'Irlanda. La partición d'Irlanda de 1921 seguindo los termins de l'Acta de Gubierno d'Irlanda de 1920 de Lloyd George suposó la formación d'un parlamento en Irlanda de lo Norte lo 7 de chunio de 1921. Este parlamento aprobó lo 7 d'aviento de 1922 demandar a Chorche V no ser incluyitos en lo Estato Libre Irlandés, que s'heba feito independient un día antes.
La Orden d'Oranche controló la vida politica d'Irlanda de lo Norte y practicó una visible discriminación economica y social de mes d'un tercio de la población, irlandeses catolicos sobre tot en materia d'emplego y acceso a la vivienda. D'esta traza los irlandeses catolicos facioron una revuelta en l'anyo 1969 que duró cualques decenios. Mientres estas revueltas cualques protestants han practicau lo terrorismo pa combatir a l'IRA fendo liga con lo Exercito Britanico.
Veyer tamién
editar
Datos: Q3120476
