Salagón
O salagón ye una roca sedimentaria composata d'archila y carbonato calcico (por un regular calcita), y intermeya entre as rocas sedimentarias detriticas y quimicas, y en concreto entre as lutitas y as calsineras.
As proporcions d'archila y carbonato pueden estar muito diferents. Se consideran ya archilitas si tienen un contenito de carbonato calcico menor d'un tercio d'a suya masa, y se consideran ya piedras calsineras si esta proporción ye mayor d'os tres quartos.
A presencia de carbonato fa que faigan bambolletas de dioxido de carbonio en presencia d'acido clorhidrico. Son impermeables, como l'archila. Son tovas y poco resistents a la erosión, pero no tanto como as archilas, y tamién son menos plasticas. A suya textura ye grumosa, se creba deixando marcas en concha u asclas y de tono mate. A color ye variable y quan tienen pirita prenen una color grisenca u azulenca, como a formación Salagons d'Arguis muito important en o paisache prepirenenco.
Os salagons son a materia prima pa fer cemento.