En un mundo nuevo (cinta)
- Iste articlo ye sobre una cinta espanyola enguerada en 1972 de cine de comedia musical; ta atros usos, se veiga En un mundo nuevo.
En un mundo nuevo (títol orichinal, enguerada en Aragón con o suyo títol orichinal) ye una cinta de cine de comedia musical enguerada l'anyo 1972 dirichida por Fernando García de la Vega y Ramón Torrado seguntes un guión orichinal d'Ángel Fernández Santos, Fernando García de la Vega, Rafael Sánchez Campoy, José Antonio Zaplana y Miguel Rubio, con una banda sonora orichinal de Waldo de los Ríos, una dirección de fotografía d'Antonio L. Ballesteros, una producción cinematografica de José Antonio Cascales ta las productoras Cesáreo González Producciones Cinematográficas y Producciones Internacionales Cinematográficas Asociadas y un elenco formau por os actors Karina, Pepe Rubio, Marisa Medina, Guadalupe Muñoz Sampedro, Joaquín Prat, María Kosty, Ángel Álvarez, Juanito Navarro, Florinda Chico, Francisco Cano y Andrés Pajares, entre d'atros, amás d'os miembros d'o grupo musical infantil La Pandilla.
Karina ye una mesacha que treballa como institutriz y la contracta Juanito, que ye lo propietario d'una discografica que ye a lo cudiau de preparar a canción que ha de representar a Espanya en o Festival d'a Canción d'Eurovisión, ta lo cual ye preparando a Marta, una famosa cantaire. Amás d'ixo, Juanito ye lo representant d'un grupo musical infantil, La Pandilla, y ye ta ensenyar y cudiar a los ninos que fan parte d'o grupo que quiere contractar a Karina. Malas que la mesacha plega en a casa a on viven os ninos (que viven con a suegra de Juanito y con o fillo d'iste, Carlos, Karina prencipia a ganar o respecto y lo carinyo de toz os miembros d'a casa por a suya simpatía y la suya capacidat d'educar a los ninos con muito carinyo. Tanimientres, Marta (que ye amás la novia de Carlos) prencipia a preocupar-se cuan escuita a Karina cantar a canción En un mundo nuevo, que ye la canción que ha de representar a Espanya en o Festival. Marta, esturrufada, decide rescindir o contracto y marcha a buscar una atra discografica con una atra canción ta que respresente a Espanya en o Festival. Juanito y Carlos quedan abatius, dica que una d'as ninas que fan parte de La Pandilla lis da la solución: han de contractar a Karina ta que sía ella qui cante la canción en o Festival, porque entre las virtuz de Karina se troba tamién la d'estar buena cantaire.
A cinta s'ambienta en a suya epoca actual (1972) en as ciudaz de Madrit (Espanya) y Dublín (Irlanda) y las suyas escenas se filmoron en Madrit y El Escorial en a Comunidat de Madrit en Espanya y en Dublín,[2] estando en iste zaguer caso las imáchens reals d'a interpretación por Karina d'a canción En un mundo nuevo, que heba representau a Espanya en o Festival d'a Canción d'Eurovisión de 1971, a on quedó en segundo lugar dezaga de Un banc, un arbre, une rue, cantada por la francesa Séverine en representación de Mónegue. L'obchectivo d'a cinta ye aproveitar l'exito que heba teniu Karina en a edición immediatament anterior d'o Festival.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editarVinclos externos
editar- (en) En un mundo nuevo en Internet Movie Database.
- (en) En un mundo nuevo en FilmAffinity.
Datos: Q72712423
