El alma se serena (cinta)
- Iste articlo ye sobre una cinta de cine de comedia de cine espanyol de l'anyo 1970; ta atros usos, se veiga El alma se serena.
El alma se serena (títol orichinal en castellano, en aragonés L'alma s'aserena, enguerada en Aragón con o suyo títol orichinal) ye una cinta de l'anyo 1970 de cine espanyol de cine de comedia dirichida por José Luis Sáenz de Heredia seguntes un guión adaptau por él mesmo y por Mariano Ozores (basau en El alma se serena, una obra teatral de Juan José Alonso Millán de 1968), con una banda sonora orichinal d'Antonio Pérez Olea, una dirección de fotografía de Federico G. Larraya, una producción cinematografica de Ricardo Núñez ta la productora cinematografica Chapalo Films, S.A. y un elenco d'o cual en fan parte, entre d'atros actors, Concha Velasco, Alfredo Landa, José Sacristán, Margot Cottens, Josele Román, Enrique Ávila, Xan das Bolas, Elena Arnao, Ramón Corroto, Erasmo Pascual, Emilio Laguna, Pilar Gómez Ferrer, Ángel Álvarez, Ana Carvajal, Chiro Bermejo, Valentín Tornos, Paquita Villalba, Pedrín Fernández, Miguel Armario, Roberto Cruz, Maruja Argota, Antonio Alfonso, Guillermo Carmona y Julia Caba Alba.
Chelín ye una mesacha que vive en un chicot lugarón y tien un problema: no puet enamorar-se de garra hombre. Finalment li confiesa lo motivo a su mai: dende que teneba 12 anyadas ye enamorada de Manolo Cortés, un mesache d'o lugar que ha marchau a vivir a Madrit a on mamete los diners de su pai en nosas con un amigo. La mai de Chelín li aconsella que marche enta Madrit ta poder enamorar-lo a él. Cuan Chelín y plega, troba a Manolo terne que terne en lealas pero finalment consigue que iste varíe los suyos habitos y consigue a la fin casar-se con él y levar-lo a vivir a lo lugar a on toz dos son naixius. Ta que no se fugue enta Madrit como han feito ya muito marius, Chelín inventa de contino interpretacions eroticas dica que Manolo queda agotau y amenista tomar pastillas ta recuperar-se. A la fin, Manolo marcha d'o lugar con una excusa y plega en Madrit, pero no ta fer-ie borina, so que ta descansar-ie. Pero Chelín pocos días dimpués marcha dezaga d'él.
A cinta s'ambienta en bel lugar indeterminau en Espanya, fácil que en Castiella y Leyón, en a suya epoca actual (1970), y las suyas escenas se filmoron en Madrit, Alcalá de Henares y El Escorial en a Comunidat de Madrit, y en Toledo en Castiella-La Mancha.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q5823824
