Abrir menú principal


O Ducato de Benavent estió o territorio controlato por os longobardos situato més a lo sud en a Italia medieval. Yera centrato en a ciudat de Benavent. En la practica estió un territorio independient d'o Reino d'os Longobardos, de fueras d'os reinatos dende Grimoals dica Liutprand.

Ducato de Benavent
3by2white.svg Duración? 3by2white.svg
Situación de
Periodo historico Alta Edat Meya

O ducato fue fundado en 576, encara que d'alcuerdo con atras fuents os longobardos i poderban haber plegato arredol d'o 590. O primer duque estió Zotto y encara que rindió sumisión a los estatos d'o norte, fue sucedito por o suyo sobrín Arechis e o cargo esdevinió hereditario.

En os suyos primers anyos, o ducato s'expandió territorialment en territorio d'o Imperio Bizantín, prenendo Capua e Crotona, encara que no consiguió fer-se con Nápols. O duque de Benavent, Grimoald, se fació con a cadiera reyal d'o reino longobardo en 662 iniciando una dinastía benaventiana de curta duración en ixe reino. En 663 a ciudat fue asitiata por os bizantins d'o emperador Costancio II pero fue esfendita por o suyo d'o rei, Romualdo I que a més consiguió destruir a flota bizantina. En l'anyo 680 os dos firmoron un tractato de paz. Alavez o principal enemigo estió o mesmo Reino d'os Longobardos d'o norte. Liutprand intervinió a sobén en o ducato pa imposar os suyos candidatos a duque, En l'anyo 758 Desiderio d'Istria prenió o ducato por poco tiempo, pero a conquiesta d'o reino longobardo por parte de Carlos Magno en 774 posó fin a estas disputas pa cutio.

En o "Libro d'el Trasoro" lo mencionan en relación a la intervención de Carlos Magno en Italia a favor d'o Papa Adrián I:

apres la muerte de Adrian, fue en silias por los romanos, Carlo lo tornó a Roma en su dignjdat, e la ora confermo el lo que los padres aujan feyto, e stablio todo lo que a la necesidat de la Santa Eglesia e del jmperio e de los clerigos e de leyes e dio a Senyor Sant Pedro el ducado de Spolite e de Benauent