Dirty Dingus Magee
Dirty Dingus Magee (títol orichinal en anglés, en aragonés Dingus Magee o Sucio, enguerada en Aragón con o títol en castellano de Duelo de pillos, en aragonés Duelo de revesaires) ye una cinta de cine estausunidense de l'anyo 1970 de cine de western comico dirichida por Burt Kennedy seguntes un guión adaptau por Tom Waldman, Frank Waldman y Joseph Heller (basau en a novela The Ballad of Dingus Magee, publicada en 1965 por David Markson), con una dirección de fotografia de Harry Stradling Jr., una banda sonora orichinal de Jeff Alexander y una producción cinematografica de Burt Kennedy ta la productora cinematografica Metro-Goldwyn-Mayer. Os actors que fan parte de l'elenco d'a cinta en os suyos papels destacaus son Frank Sinatra, George Kennedy, Anne Jackson, Lois Nettleton, Jack Elam, Michele Carey, John Dehner, Henry Jones, Harry Carey Jr., Paul Fix y Terry Wilson.
Hoke Birdsill plega en o lugar de Yerkey's Hole desichindo que enarcholen a Dingus Magee porque l'ha robau, pero en o pueblo no bi ha garra lei. Belle, qui amñas d'estar l'alcaldesa d'o lugar ye la propietaria d'o bordel local, converte a Hoke en "sheriff" y s'adedica a perseguir a Dingus, que s'ha casau con Anna Hot Water, una choven india a qui ha mercau a su pai y que agora l'aduya en os suyos delictos. Tanimientre, cuan Dingus preba de robar-li los diners a Belle, descubre que Hoke ya lo ha feito antis que él; en consecuencia, Belle nombra agora "sheriff" a Dingus ta que persiga a Hoke.
A cinta s'ambienta en bel lugar indeterminau d'o "Far West" en bel momento indeterminau d'a segunda metat d'o sieglo XIX y las suyas escenas se filmoron en Tucson y belas atras localidaz d'Arizona.[2]
Elenco[3] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
Vinclos externos editar
- (en) Dirty Dingus Magee en Internet Movie Database.
- (en) Dirty Dingus Magee en AllMovie.
- (en) Dirty Dingus Magee en TCM Movie Database.
- (en) Dirty Dingus Magee en l'American Film Institute Catalog de l'American Film Institute.
- (en) Dirty Dingus Magee en Rotten Tomatoes.
- (en) Dirty Dingus Magee en Letterboxd.
- (es) Dirty Dingus Magee en FilmAffinity.
- (fr) Dirty Dingus Magee en Allociné.