Jinengi

Ola Jinengi! Bienvenido en Biquipedia. Primero de tot gracias por as tuyas aportacions. Como habrás visto dende fa bells anyos femos servir en Biquipedia a grafía EFA. Estió una decisión consensuada por a comunidat pa mantener a uniformidat mas que mas d'enlaces, títols y categorías. Permitimos manimenos fer versions d'os articlos en atras grafías, asinas tenemos bells articlos tamién en grafía SLA clasificaus aquí en a suya propia categoría. Ixo significa que si quiers puetz fer versions d'os articlos ya existents en grafía SLA, pero no cambear a grafía de l'articlo orichinal. L'articlo con grafía SLA ha de levar en o títol a marca /SLA y meter en a cabecera a plantilla {{Versión SLA}}. En o correspondient articlo con grafía EFA cal meter a plantilla {{Versión Academia SLA}}. Asinas por eixemplo o tuyo articlo Castellanismo (lingüistica)/SLA habría de tener ideyalment un articlo Castellanismo (lingüistica) (he tresladau o titol a "castellanismo" simplament por coderencia con atros articlos). Ye canso, sí, pero lo femos asinas por uniformidat,... a cadagún nos gustaría escribir en una grafía diferent probablement u nos fan mas goyo cosas d'una u atra grafía (a yo tamién bi ha muitas cosas que me cuacan d'a grafía SLA), pero cal trigar una por cuestión de practicidat. Igual que con a grafía tamién miramos de respectar y no fer cambeos siempre que siga correcto en a morfolochía d'un articlo: si l'articlo ye escrito en una variedat dialectal miramos de mantener-la, o mesmo con o sistema d'articlos que haiga emplegau l'autor orichinal (os/as, los/las, es/as, els/las...etc). Aspero que lo entiendas y contines colaborando y escribindo en aragonés, que ye o important. Salut --Willtron (descusión) 17:42 17 mar 2020 (UTC)