Descusión:Punta de Lardana

Por o que posa en a pachina 23 d'os regles ortograficos s'ha d'escribir "Lardana" encar que en as parlas ribagorzanas palatalicen en Ll-, y tenemos atro motivo: en chistabín se pronuncia Lardana. Tamién quiero dicir que os aspectos toponimicos d'este articlo me pareix que son traduccions dende a wiki catalana en versions de l'articlo que ya existiban a fins de l'anyo 2005:

Sembla que el nom de Pocets prové d'uns pous (posets, en benasquès) que hi ha a la seva vessant occidental, i és com es diu el pic a la zona de Gistain (Chistau); mentre que a Estòs i Mont d'Astos (França) el cim es diu Llardana (cremat), per l'àrid de la seva cara est.

Veigo bells aspectos incoderents: creigo que a Val d'Estós ye deshabitata y no bi ha garra nuclio de población recient, por o que a denominación que se i faiga servir será a que faigan servir os habitants de Benás, ye como dicir que en as Saladas d'Alcaniz a cierta montanya li dicen Tolocha, con a diferencia que creigo que en a Val d'Estós no bi heba poblamiento ixemenau de masadas permanent. Tamién dicen que en un mont de Francia dito Astos tamién dicen Llardana, o qual lo veigo incoderent porque no se de garra localidat de Francia que se diga igual que o Astós d'a Val de Benás y dende on se veiga l'arida cara oriental de Llardana, de seguro tapata por o Macizo d'a Maladeta. Por atra part o gascón no palataliza a L- inicial, no se en que part de Francia estará este Astos. Aguardo uns días y reestructuraré a información posando as informacions toponimicas que tiengo agora dencima a mesa: o diccionario chistabín y as no siempre fiels toponimicament Guías Prames.--EBRO 15:04 16 avi 2011 (UTC)

Y n'este pdf [1] Chesús Vazquez Obrador especifica que ye en a Val de Chistau on dicen "Pico Lardana" y que dicen "Posets" en a Val de Benás, y que Lucas Mallada ya lo sinyalaba en 1878. Pareixe cada vegata més claro que en a versión de l'anyo 2005 de l'articlo en a wiki catalana metioron a gamba.--EBRO 15:17 16 avi 2011 (UTC)