Descusión:Pitral

A o numero que levan os atletas en o peito tamién puet clamar-se prital como en o catalán?--Cembo123 13:35 10 avi 2011 (UTC)

Pitral provién d'o latín PECTORALE-M, creigo que se feba servir pa dicir una especie de correya d'os animals de labor en Teruel y o Baixo Aragón, y que encara se fa servir en o lexico precastellán d'o castellán d'Aragón. O martes u o miercols miraré a documentación exacta d'a parola y os suyos cognatos historicos en aragonés, que los veyé en un libro de Xavier Terrado Pablo. En principio por etimolochía no veigo mala adaptación o de pitral pa o numero que levan os atletas.--EBRO 14:38 10 avi 2011 (UTC)

Sí, estoi que s'habría de clamar igual que iste aparello, asinas que sí.

Unatra qüestión sería quál ye a forma mas estándar? En Ansó y Echo, se clama peitoral. Tamién en Ansó a peitera ye un debantal de cuero, que podría valer pa ista adaptación. Petral u petrall en Val de Vio y Val de l'Esca, pitral en Chistau, L'Aínsa y a Ribagorza (tot isto quitau d'o "Endize de bocables").--Juan Pablo 14:41 10 avi 2011 (UTC)

A información que conoixeba ye por o libro de Terrado sobre l'aragonés de Teruel d'o sieglo XV. Parlan de peytral que ye o que se deciba en ixe sieglo en Teruel y redolada referito a la correya de l'animal. Dicen que o mesmo ye peitoral en Ansó, Echo, Embún, Ardisa y Agüero, a lo sud ye petral u pretal, y en l'este de Teruel pitral; en l'ueste ye pechera.--EBRO 18:04 22 avi 2011 (UTC)