Descusión:Apelliu Chasco

Sobre lo conteniu de l'articlo

En a versión que trobo d'iste articlo son recullidas todas as sinconisions chenerals que se pueden trobar en Internet sobre muitos apellius, sin garra consistencia cientifica. Ye un articlo a refer de raso y que no aporta conoiximiento so que inexactituz y mesmo falsedaz. No bi ha por exemplo garra referencia real a lo presunto orichen de l'apelliu en Los Arcos, nomás s'aporta como referencia la existencia d'una casa con un escudo d'armas en a suya frontera que se diz que s'atrubui a la familia Chasco. En primeras, no existe garra escudo d'armas propio de garra apelliu, os escudos d'armas son propiedat de familias concretas, no de cualsiquier portador de l'apelliu. D'atra man, ixe escudo y ixa presencia en Los Arcos preban que una familia con ixe apelliu construyó una casa en ixe lugar en colocando lo suyo escudo en a frontera, pero no preban que ixe sía l'orichen de l'apelliu, que fácil que existise antes d'a concesión d'a patent de nobleza a ixa familia. Y nomás son que dos exemplos concretos, todo l'articlo de cabo ta rabo ye asinas. Lazaro d'Aragón (descusión) 15:32 3 set 2023 (UTC)