Dólar neozelandés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Dólar neozelandés New Zealand dollar Tāra o Aotearoa
Información cheneral
Codigo:	NZD
Ambito:	Nueva Zelanda Islas Cook Niue Islas Pitcairn Dependencia de Ross Tokelau
Simbolo:	NZ$
Emisor:	Banco d'a Reserva de Nueva Zelanda
Valors
Fraccions:	100 centavos
Monedas:	10¢, 20¢, 50¢, 1$, 2$
Billez:	5$, 10$, 20$, 50$, 100$

O dólar neozelandés (en anglés New Zealand dollar u simplament dollar, en maorí Tāra o Aotearoa) ye a moneda oficial de Nueva Zelanda y os suyos territorios dependients (as islas Cook, Niue y Tokelau), asinas como d'a colonia britanica d'as islas Pitcairn. Por un regular s'abrevia como $ u NZ$ ta diferenciar-lo d'o dólar estausunidense y d'atros tipos de dólars. O codigo ISO 4217 ye NZD. Se subdivide en 100 cents.

Embotada

Informalment, en anglés se conoixe com o kiwi (u o kiwi dollar).

Historia

O dólar neozelandés prencipió a emplegar-se o 10 de chulio de 1967 en substitución d'a libra neozelandesa, como resultau d'o proceso de decimalización d'a moneda, estando a equivalencia de dos dólars por libra, u lo que ye o mesmo, diez xilings por dólar.

Emisor, monedas y billez

O instituto emisor ye o Banco de Reserva de Nueva Zelanda (en anglés Reserve Bank of New Zealand). En circulan monedas de 10, 20 y 50 cents y 1 y 2 dólars (as piezas de menos valor, as d'1 y 2 cents, fuoron retiradas d'a circulación en 1990, y a de 5 cents lo fue tamién en 2006). Os billez que circulan actualment son os de 5, 10, 20, 50 y 100 dólars (os d'1 y 2 dólars se retiroron en 1991 cuan se metioron en circulación as monedas correspondients). Si bien as primeras emisions yeran de papel, como ye habitual en a majoria de billez d'o mundo, dende 1999, igual que os del billez australianos, as nuevas series son feitas de polimero, un plastico especifico que en dificulta a falsificación.

Islas Cook

As islas Cook heban teniu as suyas propias emisions de billez entre 1987 y 1995, si bien continan tenendo as suyas propias monedas (d'1, 2 y 5 dólars), de valor legal arredol d'os territoris a on s'usa o dólar neozelandés.

Tasa de cambio

• 1 NZ$ = 0,6538 €
• 1 NZ$ = 0,7006 US$

Vinclos externos

• Se veigan as imáchens de Commons sobre o dólar neozelandés.
• (en) Reserve bank of New Zealand
• (en) (de) (fr) Heiko Otto, ed. "Dólar neozelandés (billez)". http://www.bis-ans-ende-der-welt.net/Neuseeland-B-En.htm. Retrieved 2019-02-22. 

• Datos: Q1472704
• Multimedia: Money of New Zealand / Q1472704