Cthulhu
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Cthulhu | |
|---|---|
 Interpretación artistica de Cthulhu y d'a ciudat de R'lyeh | |
Personache de libro
| |
| Libro: | Mitos de Cthulhu |
| Escritor: | Howard Phillips Lovecraft |
| Anyo: | 1921-1932 |
Cthulhu ye un personache d'a literatura d'o escritor americano Howard Phillips Lovecraft (1890-1937).
Lovecraft y un cerclo d'atros autors creyoron con os suyos cuentos una mitolochía d'horror (o chenero dito de "terror cosmico") que describe a existencia d'universos paralelos y os sers que en provienen, sers que existioron "antis d'os tiempos" y que si tienen contacto con os humans se desencadenan terribles consecuencias. O monstruo-divinidat dito Cthulhu ye o emblema y una d'as figuras recurrents d'ista mitolochía, conoixita como os Mitos de Cthulhu. Se le describe en a narración d'o libro The Call of Cthulhu.
Seguntes ista mitolochía, Cthulhu reposa soniando baixo un sello en a ciudat submerchita de R'lyeh (localizata en mel meyo de l'Oceano Pacifico). Aspera eslampar-ne bel día (o día en que "As estrelas sían de nuevo en posición") con l'aduya d'ocultistas y sectarios ta tornar a estender o suyo poder sobre a Tierra. Istos le adedican o salmo "Ph´nglui mglw´nafh Cthulhu R´lyeh wgah-nagl fhtagn" que significa alto u baixo "En o suyo puesto d'estada de R'lyeh, Cthulhu muerto aspera soniando".
Caracteristicas
editarSeguntes Lovecraft, Cthulhu desciende d'o dios Nagoob y d'o dios Exterior Yog-Sothoth, y naixió d'o planeta Vhoorl. Se tracta d'un Primichenio, una criatura extraterrestre que tien caracteristicas fisicas y habilidaz que lo fan una mica parellán a un dios ta os humans. Os suyos prencipals seguidors son a Simient Estelar de Cthulhu. Tamién l'adoran a mayor parti d'os Profundos, sers meyo humans, meyo batracios, que habitan en o fundo d'os oceanos. Por dencima d'os Primichenios bi ha os dioses Exteriors.
Seguntes a descripción feita en The Call of Cthulhu, se tracta d'un monstruo granizo con tozuelo de pulpo u calamar, con numerosos tentaclos y cuerpo de dragón, con as suyas respectivas alas. Tien a capacidat d'alterar a suya forma, encara que siempre ye basicament a mesma. O suyo cuerpo escamoso ye composato d'una substancia diferent d'as que se troban en a nuestra planeta, una mena de masa chelatinosa que lo fa practicament indestructible. De todas maneras, si bel día fuese destruito (cosa muit improbable), a suya esencia fecundaría a su propia filla, tornando a naixer. Estió un d'os conqueridors d'a Tierra y domina dende as fonduras de l'oceano.
Pronuncia d'o nombre
editarNo existe unanimidat respecto a la pronunciación d'o nombre: s'acceptan K'zulju, K'tulú, K'zulu, C'tulú, Cethulhu, (con "h" aspirata), Chulu, Tulu, Zulu, Kuthulu o Katulu como pronunciacions validas, pero se conviene que a forma mas apropiata de fer-lo no puet estar pronunciata por l'aparato fonolochico humán.
Que a pronunciación de Cthulhu no sía precisa ye un rasgo tipico d'o estilo de Lovecraft, que cautiva l'ambigüidat en as suyas descripcions ta sucherir un ambient de caos que provoque fobia y horror en o inconscient.
Vinclos externos
editar
Datos: Q12038
Multimedia: Cthulhu (entity) / Q12038
