Cruz celta
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
A cruz celta ye un simbolo celta que combina una cruz con un aniello que rodeya a intersección. Ye un simbolo mui extendito en o cristianismo celta y poderba tener orichens pre-cristianos. De feito se troba ya en obchectos d'a Edat de Bronze.
Quan s'indrodució o cristianismo en Escocia y Irlanda o simbolo s'adaptó a la cruz latina y se recargó con gravatos de tradición celta. As primeras cruzes celtas d'ambito cristiano amaneixioron entre os Pictos d'Escocia en o sieglo VI. Dimpués se difundioron por tota Irlanda. No se conoixen cruzes celtas guaire antigas ni en l'antiga provincia romana de Britania ni en l'actual peninsula de Bretanya.
S'ha quiesto interpretar que a cruz celta s'ha usato pa representar as quatre endrezas, os quatre elementos (tierra, augua, aire y fuego)... Ye punto d'unión d'os camins (d'os vivos y d'os muertos, per eixemplo).
Actualment ye utilizata como simbolo por bellas collas faxistas, porque achunta a tradición cristiana y a tradición pagana europeas.