Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Crown Range ye una sierra situada a l'este d'a cuenca d'o Wakatipu en Otago, Nueva Zelanda. Ye conoixida por dos motivos, a estación d'esquí de Cardrona, en as laderas d'o Mont Cardrona de 1900 Metros d'altaria, y a carretera que trescruza a sierra, conoixida como Crown Range Road (anteriorment carretera estatal 89), que leva puyando y baixando empinadas costeras dende Arrow Junction, chusto a o sud d'Arrowtown, dica Wanaka a o norte.

Crown Range
O "Zig Zag" puyando por a carretera de Crown Range amán d'Arrowtown
Cordelera {{{cordelera}}}
Sector {{{sector}}}
{{{tpran}}} {{{ran}}}
Maxima altaria
Cimas importants
Largaria
Amplaria
Superficie
Vértiz cheodesico
Subsistemas
Administración
Estau Nueva Zelanda
País
Rechión Otago
Edat
Materials
Tipo
Mapa

Viachando dende Arrowtown enta Cromwell, a Crown Range Road prencipia a o fundo d'o trampo conoixiu como Zig Zag. Ista empinada y serpentiante carretera sale d'a zona de Crown Terrace, un aria plana y fértil a on se cautivan cerials. A carretera que s'endreza enta a ezquierda va enta Glencoe Station (Glencoe Road) y a o final de Crown Terrace se troba a Eastburn Road que va enta Eastburn Station. Glencoe Station ye a station (denominación en Nueva Zelanda ta bels conchuntos de granchas u instalacions agricolas) mas gran d'a redolada d'Arrowtown. Eastburn Station tamién ye gran y s'estendilla dende a muga de Glencoe dica cuasi Cardrona.

Dimpués de pasar Eastburn Road a carretera chira y puya enta Crown Saddle, a on una placa de bronce situada en o mirador anuncia que iste punto, situau a 1076 metros d'altaria, ye a carretera asfaltada mas alta de Nueva Zelanda, lo que no ye correcto.[1] Crown Saddle ye manimenos o paso de montanya asfaltau mas alto (2 metros mas que o collau de Desert Road en a carretera estatal 1 en a Isla d'o Norte).[2] Dende Eastburn Station bi ha buenas anvistas. Dende aquí se pueden alufrar o laco Hayes, Arrowtown y l'aeropuerto de Queenstown. Dende Crown Saddle a carretera contina por o barranco de Cardrona que dimpués se converte en o río Cardrona y que baixa por una polida val rodiada de praus dica ubrir-se en plegar a la localidat Cardrona.

Ista aria estió muit poblada mientres a fiebre de l'oro d'Otago Central en a decada de 1860. O lugar de Cardrona, actualment poco mas que un punto en o mapa, plego a tener una población de bels mils de buscadors d'oro. Encara se pueden veyer as restas d'a busqueda d'oro chunto a la Crown Range Road sobre o cuello a l'atro canto d'a zona conoixida como East Burn Stream.

En 2001, a zaguera sección d'a Crown Range Road fue asfaltada por o Consello d'o districto de Queenstown-Lacos.[3]

Referencias editar

  1. Bi ha carreteras asfaltadas mas altas en a Isla d'o Norte. A carretera estatal 48, que pasa a traviés d'a localidat de Whakapapa en a base d'o Mont Ruapehu, plega dica os 1130 metros. A Bruce Road que va dende Whakapapa dica a estación d'esquí de Whakapapa en o Mont Ruapehu puya dica 1617 metros. A Ohakune Mountain Road, que va dende Ohakune a la estación d'esquí de Turoa, tamién en o Mont Ruapehu, plega dica 1623 metros. Pembroke Road en o Mont Taranaki ye asfaltada dica os 1141 metros d'altaria.
  2. (en) Se veiga tamién What is the highest state highway in New Zealand?, New Zealand Transport Agency. 27 de marzo de 2017.
  3. (en) Road to ruin. Mountain Scene - 10 de chulio de 2008