Abrir menú principal

Crida en esfensa d'os dreitos alazetals en Internet

A Crida en esfensa d'os dreitos alazetals en Internet ye un texto surtito contra a disposición final primera de l'Abantprochecto de Lei d'Economía Sostenible, proposato por o Gubierno d'Espanya. O contenito d'ista disposición en o texto estableixe a modificación d'a Lei 34/2002, d'11 de chulio, de Servicios d'a Sociedat d'a Información y d'o Reyal Decreto Lechislativo 1/1996, de 12 d'abril, por o qualo s'apreba o texto Refundito d'a Lei de Propiedat Intelectual, con l'obchectivo de protecher a propiedat intelectual debant d'a piratería en Internet.[1]

D'alcuerdo con a información d'o diario 20 minutos, o documento fué elaborato por un internauta y bells cuaranta periodistas, bloguers y profesionals d'Internet. Ta ista peculiar redacción colaborativa s'emplegó una aina en beta: Google Wave. O documento, en forma de decalogo, fué publicato y cedito de forma libre de tot por os suyos coautors a las 9 oras d'o miércols 2 d'aviento.[2]

A crida ha estata tradueita a diferents luengas: anglés, catalán, gallego, aragonés y asturián.[3]

Dos días dimpués Google ya indexaba un millón de referencias a iste documento, a mayoría copias d'internautas que refirmaban os suyos prencipios.[4] D'atra man o grupo creyato en Facebook ta agrupar a las personas que refirman. A crida blincó, en menos de tres días, a zifra de 100.000 (se veiga zifra en a pachina d'o grupo). Mientres que o hashtag #manifesto aconseguiva o número 1 en Espanya, d'alcuerdo con os datos de es.twirus.[5]

A importancia d'a reacción fació que o Menisterio de Cultura convocase a 14 personas relevants d'o mundo d'Internet en una reunión en la que a menistra y os representants exposoron as suyas posturas sin d'establir garra prencipio d'alcuerdo.[6]

Contenito d'a cridaEditar

Debant d'a inclusión en l'abantprochecto espanyol de Lei d'Economía sostenible de cambeos lechislativos que afectan a o libre exercicio d'as libertatz d'expresión, información y o dreito d'acceso a la cultura a traviés d'Internet, os periodistas, bloguers, usuarios, profesionals y creyadors d'Internet manifestamos a nuestra firme oposición a ixe prochecto y dicimos que…

1. Os dreitos d'autor no puede situgar-se en o cobalto d'os dreitos alazetals d’'os ciudadans, como o dreito a la privacidat, a la seguridat, a la presunción d'inocencia, a l'amparo chudicial efectivo y a la libertat d'expresión.

2. A suspensión de dreitos alazetals ye y ha de continar estando competencia exclusiva d'o poder chudicial. Garra cierre sin sentencia. Iste abantprochecto, contra o estableixito en l'articlo 20.5 d'a Constitución dixa en mans d'un organo no chudicial -un organismo pendient d'o Menisterio de Cultura espanyol-, a potestat de viedar a os ciudadans espanyols l'acceso a qualsiquier pachina web.

3. A nueva lechislación creyará inseguridat churidica en o sector tecnolochico espanyol, fendo mal a un d'os poquetz campos de desembolique y esdevenidero d'a economía, aturando a creyación d'empresas, metendo trabas a la libre competencia y fendo que vaiga más amonico a suya prochección internacional.

4. A nueva lechislación proposada menaza a os nuevos creyadors y fa más dificil a creyación cultural. Con Internet y os siguients adebantos tecnolochicos s'ha democratizato a creyación y emisión de contenitos de tota mena, que ya no bienen d'as industrias culturals tradicionals, sino de muitas fuents esferenciatas.

5. Os autors, como toz os treballadors, tienen dreito a vivir d'o suyo treballo con nuevas ideyas creativas, modelos de negocio y actividatz asociatas a las suyas creyacions. Prebar de refirmar con cambeos lechislativos a una industria viella que no ha sabiu adaptar-se a iste nuevo entorno no ye chusto ni realista. Si o suyo modelo de negocio yera alazetau en o control d'as copias d'as obras y en Internet no ye posible sin faltar a os dreitos alazetals, habrían de buscar-se unatro modelo de negocio.

6. Creyemos que as industrias culturals amenistan ta pervivir alternativas modernas, eficaces, creyibles y adubibles que s'adapten a os nuevos emplegos socials, en cuenta de limitacions desproporcionatas y ineficaces con o fin que dicen buscar.

7. Internet ha de funcionar de forma libre y sin d'interferencias politicas reclamatas por sectors que preban de perpetuar viellos modelos de negocio y viedar que o saber humán contine estando libre.

8. Desichimos que o Gobierno guarancie por lei a neutralidat d'o Rete en Espanya, debant de qualsiquier presión que pueda fer-se, como marco ta o desembolique d'una economía sostenible y realista cara t'o futuro.

9. Proposamos una verdadera reforma d'o dreito de propiedat intelectual endrezada ta a suya fin: tornar a la sociedat o conoiximient, impulsar o dominio publico y meter mugas a os abusos d'as entidatz chestoras.

10. En democracia as leis y as suyas modificacions han d'aprebar-se dimpués d'o debate publico y dimpués de consultar a totz os afectaus. No ye de buen admitir que se faigan cambeos lechislativos que afectan a dreitos alazetals en una lei no organica y que antimás ye feita t'atra materia.[7]

ReferenciasEditar

  1. (es) Anteproyecto de Ley de Economía Sostenible [1]
  2. (es)El manifiesto que llegó en una ola, 20 minutos, 4 d'aviento de 2009
  3. (es) La Red se alza contra el cierre de páginas web sin autorización judicial RTVE, 02.12.2009
  4. (es) Redes sociales, catapultas para la movilización. Adrián Segovia. El País, 4 de diciembre de 2009
  5. (es) Masivo apoyo en la red al Manifiesto contra la Ley del Gobierno. Bárbara Yuste, ABC, 03-12-09
  6. (es) ¿Cómo nació 'la lista de Sinde'? De Internet al menisterio en menos de 24 horas. 20 minutos, 03.12.2009
  7. http://wiki.manifiestointernet.org