Couples Retreat
Couples Retreat (títol orichinal en anglés, en aragonés Retiranza de parellas, enguerada en Aragón con o títol en castellano de Todo incluido, en aragonés Tot incluyiu) ye una cinta de cine estausunidense de comedia romantica de l'anyo 2009 dirichida por Peter Billingsley seguntes un guión orichinal de Jon Favreau, Vince Vaughn y Dana Fox, con una banda sonora orichinal d'A. R. Rahman, una dirección de fotografía d'Eric Edwards, una producción cinematografica de Scott Stuber y Vince Vaughn ta las productoras Relativity Media, Stuber Productions y Wild West Picture Show y un elenco d'o cual en fan parte Vince Vaughn, Malin Akerman, Jon Favreau, Kristin Davis, Jason Bateman, Kristen Bell, Faizon Love, Kali Hawk, Jean Reno, Peter Serafinowicz, Tasha Smith, Jonna Walsh, Ken Jeong, Amy Hill, John Michael Higgins, Carlos Ponce, Temuera Morrison y Karen David, entre d'atros actors.
A cinta se centra en unas parellas que viven en Chicago. A primera (Dave y Ronnie) tie dos fillos y leva una vida con chicotas tensions por l'absorbent treballo d'o mariu. A segunda (Joey y Lucy) se conoix dende la escuela, tienen una filla adolescent y son pensando en l'esvurcio. A tercera (Jason y Cynthia) tiene problemas ta poder tener fillos y ixo los obsesiona. Finalment, a cuatrena no ye exactament una parella, porque Shane s'ha separau (pero no esvurciau) d'a suya muller y fa poquez días que ye lo novio de Trudy, que con vinte anydas ye muito mas choven que él. Bel día Joey y Lucy proposan a los atros de fer un viache chuntos enta un hotel no convencional en una isla d'a Polinesia Francesa, especializau en terapia de parellas, porque si fan lo viache los ueito lo pre ye muit asequibla. Lis explican que serán una svacanzas en un entorno paradisiaco y que éls no cal que fagan cosa d'a terapia de parellas.
A cinta s'ambienta en a suya epoca actual (2009) en Chicago en os Estaus Unius y en bella isla indeterminada de l'oceano Pacifico, fácil que en a Polinesia Francesa, y las suyas escenas se filmoron en Bora Bora en a Polinesia Francesa, en Chicago en Illinois, en Los Angeles en California y en os Downey Studios en Downey y en os Universal Studios en Universal City, tamién en California.[2]
Ye una cinta que ha recibiu bels premios y nominacions, pero garra d'istos premios perteneixe a los premios cinematograficos mas conoixius u destacaus.
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 (en) Enguero de Couples Retreat en Internet Movie Database.
- ↑ (en) Localizacions de Couples Retreat en Internet Movie Database.
- ↑ (en) Couples Retreat en Internet Movie Database.
Datos: Q1462222
