Cornelis Johannes van Houten

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cornelis Johannes van Houten
Información personal
Calendata de naixencia	18 de febrero de 1920
Puesto de naixencia	Den Haag (Holanda Meridional, Países Baixos)
Calendata de muerte	24 d'agosto de 2002
Edat	82
Puesto de muerte	Den Haag (Holanda Meridional, Países Baixos)
Alma Máter	Universidat de Leiden
Ocupación	Astronomo
Conchuche	Ingrid van Houten-Groeneveld
Fillos	Karel

Cornelis Johannes van Houten, naixiu de Den Haag (Holanda Meridional, Países Baixos) o 18 de febrero de 1920 y muerto en ixa mesma ciudat o 24 d'agosto de 2002, estió un astronomo neerlandés, con una dilatada carrera en o campo de l'Astronomía vinclaau mientres toda la suya vida profesional a la suya alma mater, la Universidat de Leiden. Ye autor d'o descubrimiento de mils d'asteroides, de conchunto con a suya companyera de treballo (y que tamién se convertió en su muller) Ingrid van Houten-Groeneveld y con l'astronomo tamién neerlandés Tom Gehrels.

Formau en a Universidat de Leiden, se licenció en l'anyo 1940 pero en ixe mesmo anyo lo Tercer Reich invadió lo suyo país en o marco d'a Segunda Guerra Mundial y la suya carrera se veyó paralizada dica la fin d'o conflicto, no podendo presentar la suya tesi doctoral dica 1952.