Coogee (Sydney)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Coogee ye una placha y barrio d'a ciudat de Sydney, en Nueva Galas d'o Sud, Australia. Fa parti tamién d'a rechión de Barrios Orientals.

Coogee
Barrio de Sydney
Placha de Coogee
Entidat  • País  • Ciudat  • Aria de gub. local	Barrio Australia Sydney City of Randwick
Población  • Total (2016)	15 212 hab.
Codigo postal	2034
Situación de Coogee en Sydney

A mar de Tasmania y a badía de Coogee en a parti oriental d'o barrio. A placha ye popular entre as familias y famosa por a seguridat d'as suyas condicions ta o nado. As mugas de Coogee son formadas prencipalment por Clovelly Road, Carrington Road y Rainbow Street.

Cheografía

Coogee Bay Road va dende Randwick a Coogee Beach, una placha relativament protechida por a suya formación como badía. A linia de costa d'os arredols ye formada mas que mas por penyas, que van baixando a suya altaria dica plegar a la placha en a parti occidental d'a badía. A badía ye protechida d'o mar bravo por a isla Wedding Cake, un arrecife rocoso situau a bels 800m a o sud d'o cabo. Bi ha un evento anual de natación arredol d'a isla en noviembre.

En a parti norte d'a placha bi ha unas escaleras que levan enta Dolphin Point baixando a os antigos banyos de Giles. Astí se troba actualment una piscina escavada entre as rocas. Ista zona se conoixe como "Dolphin Point". A dentrada y una escultura de cuatre metros d'altaria de bronce sirve como memorial a las vente victimas australianas muertas en os ataques terroristas de 2002 en Bali a on que bi heba habitants de Coogee y atros barrios vecins, incluyindo seis miembros d'o equipo de rugby d'os Coogee Dolphins.

Dimpués d'una curta gambada enta o norte se plega en Gordons Bay, un puesto popular ta a practica d'o snorkel. En a parti sud se troba o Ross Jones Memorial Pool chusto debaixo d'o Coogee Surf Life Saving Club. Tamién en l'extremo sud bi ha dos chicoz arrecifes, l'interior y l'exterior.

Coogee ye una d'as zonas mas densament pobladas d'Australia, con edificios d'apartamentos en toz os diferents estaus arquitectonicos dende os anyos 1930. O barrio ye un destín popular entre os turistas, mas que mas os mochilers.