Consulau de Mar
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O Consulau de Mar estió l'organismo d'o dreito maritimo d'a Corona d'Aragón, pa tractar as qüestions maritimas y comercials y exercer a churisdicción penal. A competencia la exercen dos cónsuls de mar y un chuez d'apelación, con independencia d'o gubierno establiu.
Iste Consulau de Mar evoluciona como codigo churidico y tien as suyas radices en o tribunal d'a Carta Consular de Barcelona (1258), que tien a suya base en os costumbres maritimos y de comercio tradicionals de Barcelona. As normas churidicas que regulan o dreito maritimo catalán, serán aplicadas en primeras por tot a mar Mediterrania como dreito mercantil y de navegación, pasando mas tardi a l'atlantico como dreito internacional.
O Consulau de Mar naixió en a epoca d'o que se conoixe como ius mercatorum. Iste "dreito d'os mercaders" regulaba as relacions entre os comerciants d'a epoca. Istos comerciants, en una sociedat basicament feudal, agraria y rural, se trobaban en as ciudaz, entre ellas Barcelona. Cal decir que o ius mercatorum representa as radices de l'actual dreito mercantil. Naixió pa comerciants y pa os comerciants, por o que podemos charrar d'un dreito corporativo, dau que caleba estar inscrito en a corporación pa poder recibir l'aplicación d'iste dreito.
Se veiga tamién
editar
Datos: Q3773382
Multimedia: Consolat de Mar / Q3773382
