Conan the Destroyer
Conan the Destroyer (títol orichinal en anglés, en aragonés Conan o destructor, enguerada en Aragón con o suyo títol traduciu enta lo castellano como Conan el destructor) ye una cinta de cine de fantasía d'acción d'espada y bruixería de cine estausunidense de l'anyo 1984 dirichida por Richard Fleischer seguntes un guión adaptau por Stanley Mann (basau en una historia de Roy Thomas y Gerry Conway basada a la vegada en o personache de Conan the Barbarian, creyau por Robert E. Howard), con una banda sonora orichinal de Basil Poledouris, una dirección de fotografía de Jack Cardiff, una producción cinematografica de Raffaella De Laurentiis ta la productora cinematografica Dino De Laurentiis Company y un elenco que se composa, entre d'atros actors, por Arnold Schwarzenegger, Grace Jones, Wilt Chamberlain, Mako, Tracey Walter, Sarah Douglas, Olivia d'Abo, Pat Roach, Jeff Corey, Sven-Ole Thorsen, André the Giant y Ferdy Mayne.
A cinta ye una continación de Conan the Barbarian, una cinta dirichida en 1982 por John Milius y que tamién heba protagonizau Arnold Schwarzenegger. En ista segunda cinta d'a serie, Conan y lo suyo companyero, lo ladrón Malak, luita en primeras contra la reina Taramis de Shadizar, qui lo fa combatir contra la suya guardia personal. Satisfeita, li explica exactament ta qué lo busca: ha d'escoltar a la sobrina d'a reina, Jehnna, qui en estar virchen ha d'estar qui restaure lo cuerno d'o dios Dagoth, pero anteriormet han de recuperar una chema que lis ha d'indicar a on se troba lo cuerno. A cambio, Conan recibe la promesa de que en rematar a suya misión a reina fará revivir a lo suyo amor falleixiu. Pero lo que Conan no sabe ye que Bombaata, un capitán d'a guardia reyal que los acompanya, ha recibiu a orden de matar-lo cuan remate la misión.
Conan the Destroyer s'ambienta en un pasau ficticio en bel puesto tamién ficticio, y las escenas d'a cinta se filmoron en Juárez y atras localizacions en Coahuila de Zaragoza y en Chihuahua en Mexico y en Yuma en Arizona en os Estaus Unius.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q740516
