Ciclo Troyano
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O Ciclo Troyano ye un conchunto de poemas d'a epoca d'a Grecia arcaica, que narraban a sucesión d'os escayecimientos d'a leyenda d'a guerra de Troya. Entre éls se troban dos que han plegau dica os nuestros días, a Ilíada y a Odisea, atribuius toz dos a Homero, y atros, hue perdius y que solament conoixemos por fragmentos realizaus por autors antigos. A veces se considera que o ciclo troyano yera parte d'unatro grupo de poemas mas numerosos denominau ciclo épico. En a Edat Meya as historias d'o "Ciclo Troyano" fuoron adhibida a lo ciclo literario mes amplo u "materia de Roma", interpretación que feban os poetas medievals d'a mitolochía griega y d'a historia de l'Antigüedat clasica. Chuan Ferrández d'Heredia acomandó a traducción d'o libro "Historia Troyana" a l'aragonés y bellas historias d'o ciclo troyano las trobamos en as suyas compilacions historicas como a "Cronica de los Conquiridors".
Os poemas d'a obra
editarAs Ciprias u Cantos Ciprios comprendeban once libros en hexametros dactilicos. Fue composau probablement a zaguers d'o sieglo VI a. C.
A Etiopida comprendeba cinco libros en hexametros dactilicos. Fue composau probablement entre os sieglos VII y VI a. C.
A Ilíada ye un poema epico griego atribuito a Homero (sieglo VIII a.C.) composau en hexametros ta ser recitato oralment por os rapsodas. A obra, dividita en 24 cantos, narra una parti d'a Guerra de Troya, concretament 51 días d'o setio a la ciudat de Troya (Ílion) por parti d'as tropas aqueas (ye decir, griegas) comandatas por Agamenón ta buscar a Helena, a muller d'o suyo chirmán Menalau raptata por Paris, fillo de Príamo, o rei de Troya.
A Chicota Ilíada yera compoasada por cuatro libros en hexametros dactilos. Se gosa datar entre os sieglos VII y VI a. C. S'atribuye a suya compilación a Lesques de Pirra u de Mitilene, Cinetón d'Esparta, Diodoro Eritreu u Homero.
A Iliupersis s'atribuye a Arctino de Mileto. Yeran dos libros en hexametros dactilicos. Fue composau probablement en o sieglo VII a. C.
Nostoi yera un poema de cinco libros composau en hexametros dactilicos. O significau ye tornadas. Data se ent'o sieglo VI a. C.
A Odisea ye atribuida a Homero. Se creye que fue escrita en o sieglo VIII a. C. Seguntes atros autors, a Odisea se completa en o sieglo VII a. C. a partir de poemas que solament describiban partes d'a obra actual. Fue escrita orichinalment en o que s'ha clamau dialecto homerico. A obra tiene de 24 cantos. Igual que muitos poemas épicos antigos, prencipia in media res, o cual significa que empecipia en metat d'a historia, contando os feitos anteriors a pur de memorias u narracions d'o propio Ulises. O poema ye dividiu en tres partes.
A Telegonía s'atribuye a Cinetón d'Esparta u a Eugamón de Cirene. Comprendeba dos libros de hexámetros dactílicos. Son dos episodios distintos: Viache d'Odiseu a Tesprocia y Historia de Telegono. Probablement cadagún de toz dos libros relataba toz dos episodios.
Veyer tamién
editar
Datos: Q3008360
