Chuguet sexual
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un chuguet sexual ye cualsiquier obchecto que s'ha creyau, adaptau u amillorau pa producir una sensación sexual a traviés d'a estimulación d'as zonas erochenas humanas. Si bien muitas imitan a forma d'os chenitals, o concepto de chuguet sexual incluye toz aquels artefactos que tienen un relieu, volumen u forma tals que permiten estar, u bien introducius en foratos corporals (prencipalment boca, vachina u ano), u bien apegaus a atras partis d'o cuerpo.
Os chuguez sexuals se venden con mayor frecuencia en una botiga de sexo, pero tamién se pueden vender en una botica, una botiga d'articlos de tocador u grans almagacens. Os chuguez sexuals de hue son disponibles en cuasi toz os países pa hombres y mullers.
No existen normas de seguranza en a industria d'os chuguez sexuals. Os chuguez sexuals se venden como articlos novedosos, por o que no ye necesario complir con bella regulación, como que informar sobre os productos quimicos y os materials utilizaus en un producto. Existen regulacions como que REACH , y cualques chuguez sexuals pueden complir con isto, tot y que os fabricants no tienen a obligación d'aconseguir o complimiento. Un estudio de 2006 realizau por Greenpeace en os Países Baixos trobó un alto livel de ftalatos en siet d'os ueito chuguez sexuals de plastico prebaus.[1]
Antis d'usar un chuguet sexual, os propietarios han de prener precaccions. Cal mirar esgarranyadas u crepas que puedan danyar l'interior d'a vachina u l'ano. Tamién han d'utilizar lubrificants adecuaus; o lubrificant de silicona descompone os chuguez de silicona y os lubrificants a pur d'olio descomponen os condons de látex.
A limpieza d'os chuguez sexuals tamién ye muit important pa la salut sexual y a seguranza d'os chuguez sexuals. Limpiar-los privará a posibilidat d'una infección bacteriana, malautía de transmisión sexual (MTS) (si se comparten) u l'emprenyatura (si encara i hai esperma en o chuguet).
Referencias
editar- ↑ (en) "Bad vibrations? We expose an EU sex scandal" en o blog de Greenpeace
