Censal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O censal ye una obligación perpetua, pero que incorpora a posibilidat de redención. Estió un traste financiero muit extendiu en a Corona d'Aragón dende a Baixa Edat Meya dica a Edat Contemporania; yera usau como mecanismo de financiamiento tanto por os particulars, como que por os organismos publicos (como os gubiernos municipals, Deputación Cheneral d'Aragón, monarquía).

Definición

Tecnicament consistiba en una perpetuidat emitida como deuda publica, ye decir, un inversor reblaba un capital a cambeo de recibir una pensión, u conduta anyal, de traza perpetua como que contrapartida d'o capital donau. A constitución d'o censal preneba a forma de venda de dreito: una persona u institución, amenestida de diners, (o censatario) creyaba una pensión censal y la vendeba a una persona u institución, poseyedora de capital y intresada en percibir a pensión. A taxa que mediba a relación entre a pensión y o capital -o rendimiento- acostumbraba a estar d'o 7,5%. A pensión se pagaba anyalment de forma perpetua, si bien existiba a posibilidat que o censatario redimiese a suya obligación remercando o censal.

Referencias

• Datos: Q2876030