Carnicer
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un carnicer u carnicero ye una persona que tien como oficio sacrificar (no toz os carnicers lo fan) y vender a carne de bestiar.[1] Ya en todas as ciudatz d'a Baixa Edat meya viviban cuantos carnicers.
O carnicer treballa por un regular en os establimientos ditos carnecerías. As carnecerías pueden estar establimientos individuals, pueden estar integradas en un mercau o simplament constituyir una sección en un supermercau u hipermercau.
A primera actividat que reyaliza o carnicer ye a selección d'a pieza a vender mirando que tienga o millor aspecto posible y que pueda aproveitar-la a o maximo. Una d'as prencipals fainas d'o suyo oficio consiste en o preparo d'a carne en os pesos, formas y cantidaz en que va a estar mesa a la venda u en que le siga demandada por o comprador. Pa ello, esgosa a pieza, retalla as partis malas y talla a carne en chullas con o cutiello seguntes a cantidat requiesta por o client; capola a carne con a capoladora pa vender-la a o peso u pa fabricar con ella mondonguillas u hamburguesas; talla o pernil y atros embutius en chullas con a talladora electrica u desepara as costiellas d'a costellada con a estral de carnicer.[2]
O carnicer tamién aconsella a o client sobre a carne que s'adapta mas a las suyas necesidaz u presupuesto. Antimás pesa y embolica o producto u envasa a o vueito as piezas si asinas lo demanda o comprador.
