Capítol Metropolitano de Zaragoza
O Capítol Metropolitano de Zaragoza ye una institución formata por sacerdoz de Zaragoza y que administra a vida eclesiastica d'a ciudat, en especial a Seu Metropolitana d'o Salvador y a Basilica d'o Pilar.
Historia
editarA historia d'os capítols en Aragón puet remontar-se a lo sieglo XI, cuan Gregorio VII reformó bels aspectos d'a Ilesia pa que os creyents seguisen de tot as reglas tradicionals d'o catolicismo.
O capítol de Zaragoza fue fundato en 1211 y fue regulato en 1160, En o sieglo XIII se produció a partición en dos institucions: una se dedicaba a la mensa bispal y l'atra a la mensa común u d'os canonches.
Poquet a poquet se lebó a cabo una secularización. A penar que os capítols de Uesca y Chaca lo facioron en o sieglo XIV, o capítol de Zaragoza la encomenzó en 1604.
Os miembros d'o Capítol facioron parte d'a Deputación Cheneral d'o Reino d'Aragón dica que fue disuelta por os Decretos de Nueva Planta en 1707 a mans de Felipe V, (Felipe IV d'Aragón).
O Capítol estió una pieza clau en a edificación d'o templo barroca d'o Pilar: solicitoron a propuesta a lo virrei Chuan Chusé d'Austria. A la fin as obras encomenzoron en 1681.
Organización
editarEntre os suyos miembros destacá un deán, esleito por sesión solemne de tot o capítol por un tiempo de cuatre anyatas, esleito por voto secreto y con nombramiento ratificato por l'arcebispe de Zaragoza.
Tamién entre os capellans s'eslei a un canonche, encargato d'admenistrar tot o relacionato con a Capiella de Nuestra Sinyora d'o Pilar.
Datos: Q8254478
