Cantar d'a Campana de Uesca

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Cantar d'a Campana de Uesca ye un cantar de chesta d'o Reino d'Aragón reconstruito a partir d'a prosificación que se'n fa en a Cronica de Sant Chuan d'a Penya. O poema epico reconta que escabezoron a los nobles aragoneses declaratos en rebeldía contra lo rei Remiro II d'Aragón que reculle la leyenda d'a Campana de Uesca.

A Campana de Uesca por José Casado del Alisal

Fue feita per un autor anonimo, clerigo d'a comarca de Uesca u la zona pirenenca seguntes Ubieto, que tornareba a fer sentir tradicions orals feitas a partir d'os feitos historicos escayeixius a lo rei Remiro lo monche entre l'agüerro de 1135 y o verano de 1136 y datareba de principios d'o sieglo XIII. Ubieto Arteta rescató en o suyo articlo de 1951 diferents versos d'ista antiga canción de chesta, a la que Manuel Alvar en adhibirá posteriorment beluns mes. En zaguer, en 1981, Ubieto rematará lo texto con una versión d'un texto arabe.

Manuel Alvar considera que la suya primera redacción sería de mitat d'o sieglo XII, amanada a los feitos, y per tanto, de gran valor historico. Preba d'ixo sería la perda d'a zaguera vocal. Un sieglo dimpués se desembolicará como poema oral "noticiero" con valor de cronica historica, per o que estió mereixedor de fer parti d'os materials que fació servir la Cronica pitanense.

Bibliografía

• (es) ALVAR, Manuel: Cantares de gesta medievales, México, Porrúa, 1972.
• (es) PÉREZ LASHERAS, Antonio: La literatura del reino de Aragón hasta el siglo XVI, Zaragoza, Ibercaja-Institución Fernándo el Católico (col. Biblioteca Aragonesa de Cultura), 2003. ISBN 84-8324-149-8
• (es) SORIA ANDREU, Francisca: «Estudio preliminar» a la edición de: Lope de Vega, La campana de Aragón, Zaragoza, Institución «Fernando el Católico», 2001, págs. 5-70. ISBN 84-7820-755-4
• (es) UBIETO ARTETA, Antonio: «La Campana de Huesca», Revista de Filología Española, XXXV, 1951, págs. 29-61.
• (es) UBIETO ARTETA, Antonio: Historia de Aragón. Literatura medieval I, Zaragoza, Anubar, 1982. ISBN 84-7013-186-9.

Se veiga tamién

• Campana de Uesca.

• Datos: Q2837920