Cangrena
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A cangrena ye una mena de muerte tisular causada per a manca de riego sanguinio.[1] Os simptomas pueden incluyir un cambeo en a color d'a piel a royo u negro, cuixón, infladura, dolor, ruptura d'a piel y fredor. Os pietz y las mans son os mas afectaus. Si la cangrena ye causada per un achent infeccioso, puede presentar-se con calentura u sepsis.
Os factors de risgo incluyen diabetis, arteriopatía periferica, tabaquismo, traumatismo grieu, alcoolismo, SIDA, conchelación, gripe, dengue, paludismo, picueta loca, peste, hipernatremia, lesions per radiación, malotía meningococica, infección per estreptococos d'o grupo B y sindrome de Raynaud. Se puede clasificar como cangrena ixuta, cangrena humida, cangrena gasiosa, cangrena interna y fascitis necrosant. O diagnostico de cangrena se basa en os simptomas y ye refirmau per prebas como imáchens medicas.
O tractamiento puede incluyir cirurchía pa extirpar o teixiu muerto, antibioticos pa tractar cualsequier infección y esforzos pa abordar a causa subchacent. Os esforzos quirurchicos pueden incluyir desbridamiento, amputación u l'emplego de terapia con cucos. Os esforzos pa tractar a causa subchacent pueden incluyir cirurchía de bypass u anchioplastia. En bels casos, l'oxichenoterapia hiperbarica puede estar util. Se desconoixe con qué frecuencia ocurre l'afección.
