Candelera
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La Candelera[1] (d'o latín FESTA CANDELARUM), ye una fiesta celebrata por os catolicos cada anyo lo 2 de febrero, 40 días dimpués de Nadal.
Historia
editarEn l'antiga Roma se feba una fiesta arredol de lo 15 de febrero dedicata a LUPERCUS, dios de la fecundidat y de los rabanyos.
Entre los celtas hi heba una fiesta dita Imbolc lo 1 de febrero en honor de la diosa Brichida, y celebraba la purificación y la fertilidat salindo de l'hibierno. La chent de lo campo levaban teders y dondeyaban en procesión pregando-li a la diosa que purificase la tierra enantes de sembrar.
En lo sieglo V lo papa Chelasio asoció este rito pagán de la "fiesta de las Candelas" con la presentación de Chesus en lo Templo y la purificación de la Virchen. D'esta traza la fiesta pagana perdió significato, cristianizando-se y la fiesta cristiana prenió forma, popularidat y contenito social. Seguntes lo Levita, un nino ha de ser presentato a lo sinyor por la suya madre cuaranta días dimpués de la naixetura, con una ofrenda de dos palomas. Lo rito observato por la familia santa lo describen en lo evanchelio de Lucas.
Dentro de las ilesias se cambeyoron los teders por candelas venditas que fan que simbolicament lo mal se mantienga luent y fan recordar que Chesus ye la luz de lo mundo. Como la Hanukkah chodiga, que tamién ye una "fiesta de las luces", la fiesta dura ueito días. Los cristianos asinas relacionaban las velas con la protección de las suyas casas.
Ye n'este tiempo de l'anyata cuan se fa la siembra d'hibierno. La farina que sobraba se feba servir pa fer crêpes u filloas, (talment tiengan relacion con esto los crespiellos en lo Semontano de Balbastro, que se minchan lo 25 de marzo cuan la virchen crespillera). Estos dulces son simbolo de prosperidat pa l'anyata que ya heba encomenzato.
Pero dica 1372 esta fiesta no se consideró asociata a la purificación de la Virchen en lo oficial. A Virchen de Candelaria ye l'ama d'as Islas Canarias. A orichinal imachen d'ista Virchen estió trobada por os nadivos guanches en as plachas de Tenerife, probablemén la abrían levau allí os misioners cristianos.
La Candelera en l'Alto Aragón
editar- Las fiestas mayors en Salas Altas son entre lo 2 y lo 5 d'agosto en honor a la Virchen de la Candelera.
- Lo 2 de febrero ye la feria de la Candelera en Balbastro.
- En Muro de Bellós la candelera u 2 de febrero ye la fiesta menor de l'anyata.
- En lo barrio de las Cambras de Banastón tamién se celebra la Candelera.
- La Candelera de Chistén ye descrita por Brian Mott en relación a lo baile y lo suyo lexico:
Ditos y Mazadas
editar- Si la Candelera plora, l’invierno está fora.
- A Candelera ha plorau pero l’ivierno n s’h’acabau.
- Se la Candelera plora el invierno ya ye fora; se no plora ni ye dentro ni ye fora.[2]
- En pasar a Candelera os gurrions en as canaleras.
- Pa' ra Candelera a mayor nevera. Pa' San Blas un palmo mas. Pa' Santa Aguedeta a nieve hasta a bragueta.[3]
- Pa la Candelera sale ro sol por la punta la Facera.
- Ta la Candelera, cobran sol las vaqueras.[4]
Referencias
editar- ↑ (es) Brian Mott Nuevo Diccionario Chistabino-Castellano: con información etimológica, Logos Verlag, 2015, ISBN 978-3832539467, p.108
- ↑ (es) José Enrique Gargallo Gil:Los refranes meteorológicos en aragonés, en el marco de la paremiología románica, Alazet n°20, 2008, ISSN 0214-7602, p.11-31
- ↑ (es) ParemioRom (Paremiología romance: refranes meteorológicos y territorio) d'a Universidat de Barcelona
- ↑ (es) José Damián Dieste Arbués: Refranes ganaderos altoaragoneses, Instituto de Estudios Altoaragoneses, ISBN 84-86856-89-2, p.68
Datos: Q18647897
Multimedia: Candlemas Day / Q18647897
