Blancal

A blancal ye una variedat d'oliva propia d'o nord-este d'o Semontano de Balbastro. Ye present en as localidaz d'Estadilla, Estada, Olbena, Lo Grau, Oz y Costeán, Salas Altas, Salas Baixas y Colungo, asinas como en bels puestos d'as coamrcas de Sobrarbe y Ribagorza.

Ye una d'as variedaz autoctonas prencipals definidas en a Denominación d'Orichen Aceite d'o Semontano.

Caracteristicas agronomicas

L'árbol tien una vigor meya, porte ubierto y densidat baixa. O suyo fruito maduro ye de color negra. Tien un buen rendimiento y l'aceite que se'n quita se considera de muit buena calidat. En a mayoría de lugars a on i hai oliveras d'a variedat blancal a variedat predominant ye a verdenya, estando fácilment diferenciables os árbols por a color blanca d'as suyas fuellas.

Vinclos externos

• (es) Blancal. Olivos de Aragón
• (es) Variedades de España. Blancal.