Beyond Rangoon
.svg){kind=small}
Beyond Rangoon (títol orichinal en anglés, en aragonés Dillá de Rangún, eguerada en Aragón con o suyo títol traduciu enta lo castellano como Más allá de Rangún) ye una cinta de cine de drama coproducida por o cine britanico y lo cine estausunidense l'anyo 1995 dirichida por John Boorman seguntes un guión orichinal d'Alex Lasker y Bill Rubenstein, con una banda sonora orichinal de Hans Zimmer, una dirección de fotografía de John Seale, una producción cinematografica de John Boorman, Sean Ryerson, Eric Pleskow y Barry Spikings y un elenco d'o cual en fan parte, entre d'atros, os actors Patricia Arquette, Frances McDormand, U Aung Ko, Johnny Cheah, Adelle Lutz, Spalding Gray, Tiara Jacquelina, Kuswadinata, Victor Slezak y Jit Murad.
Laura Bowman ye una turista estausunidense que se troba de vacanzas en Birmania en agosto de 1988. Preba de desconnectar dimpués d'haber trobau a su mariu y a su fillo asasinaus en un robo en casa y su chirmana l'ha convenciu ta que viache. No podendo descansar por as suyas barucaderas, marcha d'a suya cambra d'hotel de nueit ta paseyar y se troba en bel meyo d'as manifestacions d'a clamada "revuelta 8888", a on puet veyer de primera man a Aung San Suu Kyi, qui la impresiona por a suya serenidat. Cuan lo suyo grupo turistico ha de marchar d'o país, Laura no puet marchar porque li han robau o suyo pasaporte y ha d'asperar que l'embaixada li expida un duplicau. Conoix a U Aung Ko, un antigo profesor universitario represaliau que agora treballa como guía turistico informal y que la introduz en a vida d'o país. Mientres o viache, troban que l'exercito birmano ha interveniu contra los manifestants y ha escomencipiau a represión. En estar U Aung Ko buscau por os militars, Laura fuye con él y con un grupo de militants politicos, en busca d'a seguridat en a muga con Tailandia en un perigloso viache.
Beyond Rangoon s'ambienta en Rangún y atras localidaz en Birmania en 1988 y las suya escenas se filmoron en Ipoh y Kuala Kangsar en o estau de Perak y en George Town en o estau de Penang, en Malaisia.[2]
Ye una cinta con bels premios y nominacions, en destacando una nominación en o Festival Internacional de Cine de Canas.
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 1,2 1,3 (en) Enguero de Beyond Rangoon en Internet Movie Database.
- ↑ (en) Localizacions de Beyond Rangoon en Internet Movie Database.
- ↑ (en) Beyond Rangoon en Internet Movie Database.
Datos: Q1753610
