Beverly Hills Cop II
Beverly Hills Cop II (títol orichinal en anglés, en aragonés Poli en Beverly Hills II, enguerada en aragón con o títol de Superdetective en Hollywood II) ye una cinta de cine estausunidense de cine de comedia d'acción policiaca enguerada l'anyo 1987, dirichida por Tony Scott seguntes un guión adaptau por Larry Ferguson y Warren Skaaren (basau en una historia d'Eddie Murphy y Robert D. Wachs, basada a la vegada en os personaches creyaus por Danilo Bach y Daniel Petrie Jr. ta la primer cinta d'a serie, Beverly Hills Cop, dirichida en 1984 por Martin Brest), con una banda sonora oichinal de Harold Faltermeyer, una dirección de fotografía de Jeffrey L. Kimball y una producción cinematografica de Don Simpson y Jerry Bruckheimer ta las productoras Don Simpson/Jerry Bruckheimer Films y Eddie Murphy Productions. Os actors que forman l'elenco d'a cinta son, entre d'atros, Eddie Murphy, Judge Reinhold, Jürgen Prochnow, Ronny Cox, John Ashton, Brigitte Nielsen, Allen Garfield, Dean Stockwell, Gil Hill, Gilbert Gottfried, Paul Reiser, Brian O'Connor, Paul Guilfoyle, Robert Ridgely, Alice Adair, Glenn Withrow, Tom Bower, Hugh Hefner, Frank Pesce, Chris Rock, Valerie Wildman, Robert Pastorelli, Tommy Lister Jr., John Hostetter y Todd Susman.
Dos anyos dimpués d'os escaicimientos d'a primer cinta, os policías de Beverly Hills capitán Andrew Bogomil, detective Billy Rosewood y sarchento John Taggart son investigando una serie de roberías con muito botín, a los que se claman os crímens de l'abecedario, en trobar-se en cada escena d'un robo una nota encriptada y con una letra de l'alfabeto en cadaguna d'ellas. Tanimientres, o nuevo chefe d'o departamento de Policía de Beverl Hills ye Harold Lutz, un politicastro completament incompetent, que amás decide relevar a Bogomil d'o caso como sanción por haber demanau aduya a lo Federal Bureau of Investigation. Karla Fry, que ye la segunda al mando d'o responsable d'os robos, Maxwell Dent, atraye a Bogomil a una tesa y lo dixa greument feriu. En conoixer a noticia, Axel Foley , o detective d'a policía de Detroit amigo de Bogomil, Rosewood y Taggart, marcha enta Beverly Hills ta colaborar en a investigación, trobando-se que tamién los suyos atros dos amigos han estau apartaus d'a investigación. Tanimientres, bien luego troba la primera pista: una boquiella de bala que evidentment ha estau modificada por un profesional, y dentra en un club de tiro a on sospeita, con razón, que ixas boquiellas han estau preparadas. En o clun troba a Karla, que ye la cherent d'o club, y que por as suyas caracteristicas fisicas (una sora de 2 metros d'altaria) coincide con a descripción d'un d'os intervinients en o robo. En trobar-se baixo sospeita, Dent ordena a Charles Cain que mate a Foley, pero en fracasar en o suyo intento, Foley troba una huella dactilar de Charles en una caixa de mistos, emplegando ixas infomacions ta fustrar un nuevo robo. Poquet a poquet, as suyas investigacions lo levan a determinat qui ye lo resposable d'os robos y de l'atentau contra Bogomil, encara que Lutz, fendo honor a la suya incapacidat, creye haber resuelto él o caso.
Beverly Hills Cop II s'ambienta en a suya epoca actual (1987) en as ciudaz de Chicago y Beverly Hills, y las suyas escenas se filmoron en Beverly Hills, Los Alamitos, Los Angeles, Pasadena y West Hollywood en California y en Detroit en Michigan.[2]
Antiparte, ye una cinta que ha recibiu cuantos premios y nominacions, en destacando una nominación s los Premios Oscar en a suya 60ena edición a la Millor Canción Orichinal y una nominación a los Premios Globos d'Oro en a suya 45ena edición, tamién a la Millor Canción Orichinal.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar
Datos: Q525860
