Bethany Hamilton
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Bethany Hamilton | ||
|---|---|---|
 Bethany Hamilton | ||
| Información personal | ||
| Naixencia | 8 de febrero de 1990 Lihue (Hawaii)
| |
| Esporte | Surf | |
| Premios | ||
| Premio ESPY 2004 | ||
Bethany Meilani Hamilton (naixita o 8 de febrero de 1990 de Lihue, Hawaii) ye una surfista estausunidense. Ye famosa por haber sobrevivito a l'ataque d'un tiburón que le rancó o suyo brazo zurdo, y por haber continato, a tamas d'as grieus feridas en o mundo d'o surf profesional.
Os primers anyos
editarHamilton prencipió a competir en categorías inferiors de surf con ueito anyos d'edat, soniando con convertir-se bel día en una surfista profesional. Asinas en 1999 ganó a 23ena edición d'o Haleiwa Menehune Championships. En febrero de 2000, quedó 1º entre as ninas de "menos de 11 anyos", 1ª en a categoría de ninas "menors de 15" and 2ª en a categoría de ninas "menors de 12 anyos" en o campionato Volcom Puffer Fish. Consiguió un sponsor, Rip Curl, que l'aduyó en os primers trangos d'a suya carrera ta convertir-se en surfista profesional.
Ataque d'o tiburón y recuperación
editarO 31 d'octubre de 2003, Hamilton se'n fue de maitins a surfeyar a la placha de Tunnels Beach, en Kauai, con a suya amiga Alana Blanchard y o pai y o chirmán de Blanchard. Arredol d'as 7:30 d'o maitín, y con numerosas tartugas en a zona, Bethany yera chitata dencima d'a suya con un brazo por difuera ficato en l'augua, cuan un tiburón tigre de 4.3 m l'atacó,[1] rancandole o brazo chusto por debaixo d'o huembro. Si o mueso d'o tiburón hese estato nomás 5 centimetros mas adintro, l'ataque habría puesto estar mortal. Perdió cuasi un 60% d'a suya sangre. Os suyos amigos l'aduyoron a remar ta tornar enta a placha, y le facioron un torniquet con a correya d'una tabla de surf en o suyo brazo antis de levar-le-ne enta o Hespital Wilcox Memorial. Chustament ixe día operaban a su pai d'o chenullo, pero retrasoron a operación deixando o quirofano ta libre Bethany. Dimpués d'a operación habió de permaneixer siet días mas recuperandose en o hespital.
A tamas d'as grieus nafras a resultas de l'accident, Hamilton querió continar con a suya carrera como surfista. Poco menos d'un mes dimpués torno a puyar-se en a tabla y a surfeyar. En primeras, fació servir una tabla especialment feita ta ella, una mica mas luenga y mas gorda, que le feba mas fácil remar. Luego observo que teneba que pataquiar muito mas ta compensar a perda d'o suyo brazo zurdo. Dimpués d'un periodo en que habió de tornar a aprender a surfeyar con un solo brazo, ya yera preparata atra vegada ta competir. Alavez tornó a emplegar tablas mas cortas y competitivas.
En chulio de 2004, Hamilton gano o premio ESPY a la "Millor tornada d'un esportista".[2] Tamién reculló un premio especial en a edición de 2004 d'os Teen Choice Awards.
En 2005, con un solo brazo, Hamilton consiguió a 1ª posición en o Campionato Nacional d'a NSSA, una meta que ya heba mirato de conseguir antis de l'ataque d'o tiburón. En 2008, prencipió a competir como profesional en as World Qualifying Series (WQS) de l'ASP (Association of Surfing Professionals). En a suya primera competición contra muitas d'as millors surfistas d'o mundo remató en 2ª posición.
En os medios
editarDende l'ataque, ha apareixito en diferents series y programas de televisión como 20/20, Good Morning America, Inside Edition, The Oprah Winfrey Show, The Ellen DeGeneres Show, The Today Show y The Tonight Show, asinas como en as revistas People, Time y American Girl. Amás, amaneixió en a primera portalada d'a revista niNe.[3] Hamilton tamién ganó $25.000 o 7 d'agosto de 2009 en o programa de televisión Are You Smarter Than a 5th Grader? (en anglés "Yes mas intelichent que un nino de primaria?").
En 2004, MTV Books publicó o libro de Hamilton, Soul Surfer: A True Story of Faith, Family, and Fighting to Get Back on the Board (ISBN 0-7434-9922-0), que describe a suya experiencia. O libro mira de servir como inspiración a la chent ta realizar os suyos suenios a tamas d'as adversidaz. A historia de Hamilton tamién apareixe en un documental curto dito Heart of a Soul Surfer, dirichito por Becky Baumgartner. Se describe como un "documental basato en a fe", y describe o corache de Hamilton ta superar l'ataque d'o tiburón.[4][5]
O 16 de mayo de 2010, apareixió en un episocio d'a serie de l'ABC Extreme Makeover: Home Edition. En marzo de 2011, Bethany fació un vidio ta a pachina web cristiana "I am Second" contando a suya experiencia dimpués de l'ataque d'o tiburón y como a suya creyencia en Dios l'aduyó a superar-lo.
En 2011, AnnaSophia Robb fació o papel de Bethany Hamilton en a cinta Soul Surfer, en a que actuó chunto a Dennis Quaid, Helen Hunt y Carrie Underwood. A cinta s'estrenó o 8 d'abril de 2011.
Vinclos externos
editarReferencias
editar- ↑ (en) "About". Bethany's General Biography. BethanyHamilton.com. 2003. http://www.bethanyhamilton.com/. Retrieved 2007-09-17.
- ↑ (en) 2004 ESPY Awards: Best Comeback, ESPN.com, 1 de marzo de 2007
- ↑ (en) "Shark attack survivor discusses products and jewelry lines in new mag" Lanaly Cabalo, The Garden Island, 30 de chunio de 2006.
- ↑ (en) "Heart of a Soul Surfer". Walking on Water. http://www.walkingonwater.org/films/heart_of_a_soul_surfer. Retrieved 2007-06-08.
- ↑ (en) "Heart of a Soul Surfer: The Bethany Hamilton Movie". http://www.heartofasoulsurfer.com/. Retrieved 2007-06-08.
Datos: Q234216
Multimedia: Bethany Hamilton / Q234216
