Mal de papo
- Iste articlo tracta sobre o mal de papo que ye una hipertrofia patolochica d'a tiroides. Ta altros emplegos d'o termino se veiga papo.
O mal de papo[1] u simplament papo[1] (en latín «struma») ye un augmento patolochico en a mida d'a glandula tiroides, que se gosa presentar con protrusión u boza en a parte frontal inferior d'o cuello, per alto d'a larinche. Se puede dar mal de papo per diferents motivos, anque el mes común historicament ha gosau ser que se manifestás per causas idiopaticas, que ixo ye, deficiz en a dieta regular, estando que yera la mes frecuent a falta de yodo.
En l'actualidat, en o primer mundo lo mal de papo idiopatico u mal de papo endemico se considera una malotía en vías de desaparición gracias a l'enriquimiento con yoduros d'a sal de mesa y belaltros alimentos de consumo regular. Ista forma d'o transtorno persiste en países en desarrollo. En Aragón, o mal de papo endemico yera un mal frecuent en cualques zonas d'as mes pobres d'o país, en as que tradicionalment no se teneba meyos ta adquirir sal yodata y a tierra, per resultar tan pobre en yodo, produciba alimentos pobres en lo dito elemento quimico.
Atras denominacions
editarIsta malotía tamién se conoixe con atros nombres como bocio[1] u bruixuelo[1] u gatirlón[1].
Referencias
editar- ↑ 1,0 1,1 1,2 1,3 1,4 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
