Bandera d'Australia
|
|
|
A bandera d'Australia ye una bandera azula con a bandera d'o Reino Uniu en o suyo cantón y una gran estrela de siet puntas, conoixida como estrela d'a federación en o cuartel inferior ezquierdo. A parti a o batient contiene una representación d'a constelación Cruz d'o Sud, formada por cinco estrelas – a mas chicota tien cinco puntas y as cuatre grans en tienen siet. Bi ha atras banderas oficials que tamién representan a Australia, o suyo pueblo y o suyo gubierno.
O disenyo orichinal d'a bandera (con una estrela d'a federación de seis puntas) fue trigau en 1901 entre cuantas propuestas d'un concurso feito en formarse a Federación d'Australia, y s'ondeó por primera vegada en Melbourne o 3 de setiembre de 1901,[2] calendata proclamada como Día d'a Bandera Nacional Australiana.[3] Un disenyo una mica diferent fue aprebau por o rei Eduardo VII en 1903.[1] A versión con a estrela d'a federación de siet puntas se ficó en a proclamación o 23 de febrero de 1908.[4][5] As dimensions fuoron formalment publicadas en 1934,[6] y en 1954 a bandera fue oficialment reconoixida y legalment definida por a Lei de Banderas de 1953, como a Bandera Nacional Australiana".
- ↑ 1,0 1,1 (en) Commonwealth of Australia Gazette No. 8, 20 de febrero de 1903
- ↑ (en) The Australian Flag The Argus (Melbourne) Miércols, 4 de setiembre de 1901 p.9
- ↑ (en) Commonwealth of Australia Gazette No. S321, 28 d'agosto de 1996
- ↑ (en) Commonwealth of Australia Gazette No. 65, 19 d'aviento de 1908.
- ↑ (en) Commonwealth of Australia Gazette No 29, 22 de mayo de 1909.
- ↑ (en) Commonwealth of Australia Gazette No 18, 23 de marzo de 1934.
Datos: Q81676
Multimedia: Flags of Australia / Q81676
