Backlash (cinta de 1956)
- Iste articlo ye sobre una cinta estausunidense de 1956 de cine de western; ta atros usos, se veiga Backlash y Backlash (cinta).
.svg){kind=small}
Backlash (títol orichinal en anglés, en aragonés Reacción, enguerada en Aragón con o títol en castellano d'El sexto fugitivo, en aragonés O seiseno fuchitivo) ye una cinta de cine estausunidense de cine de western de l'anyo 1956 dirichida por John Sturges seguntes un guión adaptau por Borden Chase (basau en Fort Starvation, una novela publicada en 1953 por Frank Gruber), con una banda sonora orichinal de Herman Stein, una dirección de fotografía d'Irving Glassberg, una producción cinematografica d'Aaron Rosenberg ta la productora cinematografica Universal International Pictures y un elenco d'actors formau, en os suyos papels principals, por Richard Widmark, Donna Reed, William Campbell, John McIntire, Barton MacLane, Harry Morgan, Robert J. Wilke, Jack Lambert, Roy Roberts, Edward C. Platt, Robert Foulk, Phil Chambers, Gregg Barton y Fred Graham.
Jim Slater troba a una muller, Karyl Orton, en a val d'o río Gila, en Arizona. Ella ye buscando un trasoro en oro que ye amagau en a val y creye que él busca lo mesmo, pero Jim nomás busca que una tomba a on bi ha apedacaus cinco hombres, estando un déls o suyo padrastro. Un hombre li dispara y Jim lo mata, resultando estar o muerto un aduyant d'o "sheriff". O "sheriff" li explica que l'achent muerto yera chermano d'un d'os cadavres apedacaus en a tomba y li diz que millor que marche, porque encara quedan atros tres chermanos. Jim creye que amás d'os cinco hombres d'a tomba bi heba un seiseno y que iste los albandonó sin garra aduya cuan los atacaban os apaches que los matoron. D'atra man, Karyl resulta estar la muller d'una atra d'as victimas d'os apaches. En primeras cadaguno d'éls fa investigacions por separau, pero cuan intervienen os dos chrmanos de l'aduyant d'o "sheriff" y Jim consigue matar-los, rematan por actuar chuntos. La dubda ye si lo seiseno hombre que marchó albandonando a los atros ye lo mariu de Karyl u lo padrastro de Jim. La zaguer pista que tienen ye que o seiseno hombre puet estar un cabalero ganadero de Texas,
A cinta s'ambienta en bel momento indeterminau d'a segunda metat d'o sieglo XIX en os estaus de Texas y Arizona, y las suyas escenas se filmoron en Tucson y atras localidaz d'Arizona y California, incluyida en iste zaguer estau a ciudat de Beverly Hills, amás d'os Universal Studios en Universal City, tamién en California.[2]
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 (en) Enguero de Backlash en Internet Movie Database.
- ↑ (en) Localizacions de Backlash en Internet Movie Database.
- ↑ (en) Backlash en Internet Movie Database.
Datos: Q2756984
