Apartheid

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

L'apartheid estió una politica de segregación racial que aplicó entre 1948 y 1990 o Partito Nacional (National Party en anglés y Nasionale Party en afrikáans) en Sudafrica (y tamién en Namibia cuan iste zaguer país yera baixo mando de Sudafrica) cuan iste país yera a Unión Sudafricana y cuan esdevenió a Republica d'Africa d'o Sud.

"Nomás ta blancos".

A primera conoixencia que se'n tien d'a palabra ye en un discurso de Jan Smuts en 1917, allora primer menistro sudafricano. Significa "deseparación" u mas literalment "apartamento" en afrikaans y neerlandés, pero lo termin ha estato adoptato por cuasi totas as luengas, enamplando-ne o significato ta explicar situacions de discriminación racial.

Esporte

Por a suya suya politica d'o apartheid, lo COI decidió que Sudáfrica estase excluyida de traza permanent d'os Chuegos Olimpicos dica que no eliminase as leis que discriminaban a la población de raza negra que viviba en o país (entre éls, os esportistas). Seguntes as normas olimpicas, lo COI prohibe que "nomás un sector" (racismo y exclusión d'as mullers) d'un país participe en os Chuegos Olimpicos y en Sudáfrica existiba lo racismo enta los negros. O gubierno sudafricano tractó inutilment de convencer a lo COI, de participar en os Chuegos Olimpicos, pero sin eliminar lo apartheid; a respuesta d'o COI fue que nomás permitiría a suya participación cuan Sudáfrica hese eliminau dita lei.

Sudafrica fue alpartada d'os Chuegos en Tokio 1964 en os de verano y de 1964 en os d'hiberno y se le prohibió participar (a causa d'a suya politica d'o apartheid) dica que no cambiase as suyas politicas y leis racistas. En 1990, hay un cambio de politica y elimina lo apartheid, se le permitió tornar a participar nuevament en os Chuegos Olimpicos de Verano, en Barcelona 1992, y en Lillehammer 1994 en os d'hiberno pero no podió utilizar a suya bandera, habió d'usar una bandera especial pa dita edición. Dimpués, en Atlanta 1996, podió tornar a utilizar nuevament a suya bandera.

Tamién estió escluyita d'atras organizacions esportivas y no podió competir en muitos esportes y competicions internacionals.

Filmografia sobre l'aparheid

• 1987: Cry Freedom, de Richard Attenborough, con Kevin Kline y Denzel Washington
• 1992: The Power of One, de John G. Avildsen con Stephen Dorff, Armin Mueller-Stahl, Morgan Freeman, John Gielgud y Daniel Craig.
• 2004: Red Dust, de Tom Hooper con Hilary Swank y Chiwetel Ejiofor.
  • In My Country de John Boorman, con Samuel L. Jackson y Juliette Binoche.
• 2006: Catch a Fire, de Philipp Noyce, con Tim Robbins y Derek Luke.
• 2007: Goodbye Bafana, de Bille August con Joseph Fiennes y Dennis Haysbert
  • The World Unseen, con Lisa Ray und Sheetal Sheth.
• 2009: District 9, de Neil Blomkamp con Sharlto Copley y Jason Cope
  • Endgame, de Pete Travis, mcon William Hurt y Chiwetel Ejiofor.
  • Invictus, de Clint Eastwood con Morgan Freeman y Matt Damon.

Se veiga tamién

• Racismo.
• Nelson Mandela.

Vinclos externos

• Se veigan as imachens de Commons sobre l'apartheid.