Abrir menú principal

L'Antropolochía Social y Cultural ye a branca de l'Antropolochía que estudea la descripción y analís d'as Culturas. Ye una especialidat de l'Antropolochía cheneral que alazeta o suyo estudeo en o conoiximiento de l'hombre per medio d'os suyos costumbres, relacions parentals, estructuras politicas y economicas, urbanismo, medios d'alimentación, mitos, creyencias y relacions d'as grupos humans con o ecosistema.

L'Antropolochía Cultural sustiene, siguindo a bastida d'o relativismo cultural, que buena cosa d'as experiencias y conceptos consideratos naturals son, en realidat, construccions culturals que replegan as reglas seguntes os quals se clasifica a experiencia. Ista clasificación se reproduce en sistemas simbolicos y se conserva y esparde en cada colectividat.

Uno d'os temas prencipals de l'Antropolochía Cultural, doncas, ye a relación entre os rasgos universals d'a naturaleza humana y a farcha en que se presienta en as diferents culturas. O estudeo d'as razons per as que naixen as diferencias culturals —motivatas per razons ambientals u historicas—, y cómo s'organizan as mesmas en sistemas globals, ha ocupato tamién muitos d'os treballos d'ista disciplina scientifica.