Anti-Flag

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Anti-Flag
Nombre	{{{Nombre_de_naiximiento}}}
Embotada	{{{Alias}}}
Naixió	{{{Naiximiento}}}
Murió	{{{Muerte}}}
Información musical
Orichen	Pittsburgh, Pennsilvania, Estaus Unius
Estilo	Punk politico, Street punk, Hardcore punk
Ocupancia	{{{Ocupancia}}}
Instrumentos	{{{Instrumento}}}
Tiempo	1988 – 1989 1993 – present
Discograficas	New Red Archives, Go Kart Records, A-F Records, Fat Wreck Chords, RCA Records, SideOneDummy
Relacionau con	NOFX The Bad Genes Bouncing Souls The Unseen Whatever It Takes
Pachina web	anti-flag.com
Miembros
Justin Sane Chris Barker Chris Head Pat Thetic
Atros miembros
Andy Flag Lucy Fester Sean Whelan Jamie Cock

Anti-Flag ye una colla de punk rock estausunidense de Pittsburgh, Pennsilvania, formata en 1988. A tamas d'os modestos orichens d'o grupo y d'un gran catalogo d'albums en sellos independients, o grupo tien gran fama, habendo actuato en os cinco continents y en l'actualidad tien contracto con una multinacional discografica. A formación d'o grupo se compone d'o cantaire y guitarrista Justin Sane y o batería Pat Thetic, miembros fundadors; o guitarrista Chris Head, y o cantaire y baixista Chris Barker qui reemplazó a Jamie "Cock" Towns, que ya heba substituyir a Andy Flag, baixista orichinal d'o grupo, en 1997.

O grupo ye conoixiu por as suyas parolas politicas y as suyas ideyas d'ezquierdas, asinas como por por refirmar grupos politicos d'acción progresistas como Greenpeace y Amnistía Internacional. Son a favor d'os Dreitos Animals refirmando o PETA y toz os components d'o grupo son vechetarians. Muitas d'as suyas cancions se centran en l'antimilitarismo, criticas a la politica exterior d'os Estaus Unius, o corporativismo, a distribución d'a riqueza en Estaus Unius y atros asuntos sociopoliticos. Mas recientment o grupo ha centrato as suyas criticas en o "Troubled Assets Relief Program" (en aragonés "Programa de Recuperación d'Activos en Problemas"), un programa d'o gubierno d'os Estaus Unius t'aduyar en a crisis a o sistema financiero y en o que s'han desviato grans cantidaz de diners ta salvar a os bancos nacionals.

Historia

Primers anyos (1988–1995)

Anti-Flag la establioron en 1988 o cantaire/guitarrista Justin Sane y o batería Pat Thetic. Mientres os primers anyos d'o grupo bi habió cuantos guitarristas y baixistas diferents, encluyindo a chirmana de Justin, Lucy Fester (Lucy Geever-Conroy). O grupo no s'heba puesto consolidar dimpués d'haber feito solo que una actuación en os zaguers anyos. En 1993, Justin y Pat deciden reformar o grupo, ya con Andy Flag en o baixo.

Primers tres discos (1996–1999)

En 1996, o grupo publicó o suyo primer disco, Die For the Government, con a discografica New Red Archives. Andy Flag deixó o grupo en verano de 1996 debito a disputas personals entre él y Justin. Por un curto periodo de tiempo dimpués d'a salita d'Andy en 1996, Sean Whelan d'o grupo de Pittsburgh "Bad Genes" tanyó o baixo. Por ixas envueltas Sean tanyeba tamién en atro grupo (57 Defective) con o guitarrista Chris Head, a qui presentó a os miembros d'Anti-Flag.

En primerías de 1997, o guitarrista de Pittsburgh Chris Head prencipió a tanyer o baixo. En os zaguers meses de 1997, Jamie Cock se convirtió en o nuevo baixista, tresladando-se Chris Head a la segundo guitarra, instrumento que s'estimaba mas de tanyer. L'actual formación se completó en 1999 cuan Chris Barker, tamién dito Chris #2, reemplazó a Jamie Cock en o baixo.

En 1998, o grupo publicó o segundo disco, Their System Doesn't Work For You. O disco teneba nueu cancions escritas por Anti-Flag en o suyo disco North America Sucks de 1996 chunto con o grupo d.b.s., asinas como 10 nuevas cancions. O grupo decidió publicar o disco independientment, y Their System Doesn't Work For You se convertió asinas en o disco debut d'a discográfica A-F Records, establita por o propio grupo.

En 1999 amaneixió l'album A New Kind of Army con a discografica Go-Kart Records/A-F Records. En iste treballo se toca una ampla variedat de temas como a corrupción politica, o racismo, o fascismo, a choventut problematica, a violencia policial, y a unidat d'a choventut americana. A portalada d'o disco podeba desplegar-se en un poster a on que se leyeba a frase "Too smart to fight. Too smart to kill. Join now. A new kind of army" (en aragonés "Masiau intelichent ta luitar. Masiau intelichent ta matar. Une-te. Una nueva mena d'eixercito"). Amás d'isto, metió una mazada en a contraportalada d'o disco que deciba "Anti-Flag does not mean Anti-American. Anti-Flag means anti-war. Anti-Flag means unity" (en aragonés "Anti-Flag no significa Anti-America. Anti-Flag significa anti-guerra. Anti-Flag significa unidat").

Fat Wreck Chords (2000–2004)

En 2000, Anti-Flag fue convidato a fer parti d'o Vans Warped Tour. En iste periodo de tiempo, os miembros d'Anti-Flag conoixioron a Fat Mike de NOFX, propietario d'a discografica Fat Wreck Chords. Gracias a ista buena relación d'amistad Anti-Flag publicó dos discos con a discografica.

O líder d'o grupo Justin Sane en o Warped Tour 2006.

En 2001, Anti-Flag s'asoció con o productor de musica punk Mass Giorgini ta gravar o disco Underground Network, que amaneixió con a discografica Fat Wreck Chords. Iste trballo marca o punto d'inflexión d'o grupo dende un hardcore punk underground a un estilo mas personal. O disco continó con temas en a mesma tematica contra o faixismo (en iste caso mas que mas contra a infiltración de neo-nazis en a "escena hardcore") y conta a politica exterior d'os Estaus Unius. Estió o suyo primer disco que encluyiba un libret con ensayos comentatos por historiadors y politicos, destacando-ie o Profesor Howard Zinn.

En febrero de 2002, Anti-Flag publicó lo disco Mobilize con A-F Records. O disco encluyiba nuevas cancions y ueito cancions d'atros discos en directo. En o días siguients a os ataques terroristas de l'11 de septiembre sobre os Estaus Unius, Anti-Flag se manifesto publicament en contra d'a propuesta de guerra feita por o gubierno d'os Estaus Unius. Mientres iste periodo, muitas botigas sacororn os discos Anti-Flag d'as suyas estanterías, y a suya musica fue definita como "anti-American." En 2003, Anti-Flag publicó lo disco The Terror State en Fat Wreck Chords. O disco se centró mas que mas en criticar a l'administración Bush y a suya "Guerra conta o terrorismo". Atra vegata, o libret d'o disco yera pleno de ensayos escritos por a propia banda y por diferents politicos. La canción cualas parolas fuoron orichinalment escritas por Woody Guthrie titulata "Post-War Breakout." A musica d'a canción fue apanyata por os miembros d'Anti-Flag, ya que Guthrie no heba escrito musica ta as suyas parolas.

O baixista Chris Barker.

O 8 d'octubre de 2004, Jim McDermott d'a Cambra de Representants d'os Estaus Unius fació una charrada en a que emponderaba a Anti-Flag por o suyo treballo empentando a la chent choven a rechistrar-se y votar.

RCA (2005–2009)

En 2005, Anti-Flag sinyó un contracto ta a gravación de dos discos con a important discografica RCA. O primero d'istos dos discos, For Blood and Empire, amaneixió o 21 de marzo de 2006. O prencipal tema d'o disco yera a critica d'o grupo a la Guerra contra o terrorismo feita por o gubierno d'os Estaus Unius. A canción This Is The End (For You My Friend) d'o disco For Blood and Empire amaneixió en os videochuegos Madden NFL 2007 y NHL 07. Rematoron a macrochira por os Estaus Unius "War Sucks, Let's Party" en abril y prencipioron a treballar en bels prochectos paralelos como l'African Well Fund (ONG adedicata a la constucción de pozos d'augua en Africa) y Start to Finish MS (organización que luita contra a esclerosi multiple).

A o largo d'a carrera musical d'Anti-Flag, muitos atros grupos han gravato discos con a propia discografica d'o grupo, A-F Records. Entre istas collas s'encluyen The Code, Pipedown, Much the Same, The Vacancy, The Unseen, Modey Lemon y muitas mas.

O 25 de noviembre, Anti-Flag reveló en a suya pachina web que o títol d'o nuevo disco sería The Bright Lights of America. Producito por Tony Visconti (productor de David Bowie u Morrissey entre atros), amaneixió l'1 d'abril de 2008. O single "The Bright Lights Of America" salió nomás en iTunes o 12 de febrero de 2008. Un video d'a canción amaneixión un par de semanas dimpués.

En 2008, mientres una chira por Europa con o grupo canadiense Billy Talent, Justin Sane y Chris#2 s'unioron a o cantaire de Billy Talent Ben Kowalewicz y o guitarrista Ian D'Sa, ta fer una nueva canción "Turn Your Back" que amaneiría en o suyo siguient disco. Os dos cantoton tamién en a versión single d'a canción.

En marzo de 2009, Anti-Flag habió de cancelar una serie de conciertos d'a suya chira dimpués que Justin Sane se crebase a claviella en Norwich, dimpués de cayer mal en blincar dende o escenario ta mirar d'aturar una baralla que s'heba formato en o publico.

SideOneDummy (2009-present)

Justin Sane en Viena

Dende o 30 de septiembre de 2008, Chris#2 prencipió a escribir en o suyo blog, nowarwithoutwarriors.blogspot.com, mientres que o grupo prencipiaba a treballar en o suyo seteno disco d'estudio. On 2 d'aviento, Anti-Flag prencipió con a gravación d'o disco, concretament con a canción "The Economy is Suffering... Let It Die".

O día 31 de marzo de 2009, Anti-Flag anunció que o siguient CD, The People or the Gun, saldría a la carrera d'a man de SideOneDummy o 9 de chunio de 2009. Antis d'ista calendata ya se podío ascuitar en Anti-Flag.com, a primera canción d'o disco "Sodom, Gomorrah, and Washington DC (Sheep in Shepherd's Clothing)". L'1 de mayo de 2009, o grupo fació un concierto especial de covers de The Clash en Hoodwink, East Rutherford, Nueva Jersey.

En septiembre de 2009, Anti-Flag organizó un concierto con motivo d'as protestas contra o G-20 que se yeran producindo en a suya propia ciudat, Pittsburgh, seu d'ista reunión internacional, pero os promotors decidioron cancelar o concierto debito a las duras restriccions de aparcamiento y a la presencia policial en os arredols d'o estadio. Manimenos o grupo continó personalment fendo parti parti en as protestas.

En noviembre de 2009, Anti-Flag refirmó as protestestas estudiantils en Viena. Facioron una charrada en l'edificio prencipal d'a Universidat de Viena en a que os universitarios facioron parti y amás bel representant d'os estudiants charroron en os dos conciertos que bi habió en Viena.

En chinero de 2010, Anti-Flag fació una chira por toz os Estaus Unius chunto con Aiden y Cancer Bats y con cuantas collas locals actuando como teloners en os diferents conciertos. A chira fue esponsorizata por Amnistía Internacional, Peta 2, Greenpeace y Innes Clothing (Que refirma a donación de prendas ta personas sin casa y albergues chovenils.). Dimpués tamién facioron parti de l'Australian Soundwave festival en febrero con collas como AFI, Paramore, Escape the Fate, A Day to Remember, HIM y muitas atras.

Activismo

O guitarrista, Chris Head

Anti-Flag ha estau embrecata en l'activismo mientres toda a suya carrera musical. Encluyendo a creyación de cuantos grupos activistas como The Underground Action Alliance, Military Free Zone (Un grupo de protesta contra una clausula en No Child Left Behind Act (en aragonés "Lei dengún nino entazaga"), que permite a os militars tener acceso a os archivos personals de toz os estudiants) y The Bright Lights

A mas tamién han feito parti de muitos conciertos de protesta, encluyindo dos emparando y refirmando a Rage Against The Machine.

A protesta mas recient d'a que han feito parti estió en a Convención Nacional Republicana de 2008, en a que s'asperaba que fuesen o zaguer grupo en tanyer, pero heban estau de chira con Rage Against The Machine y decicioron que tamién podrían fer parti d'o concierto ya que teneban una luenga historia de participación en eventos relacionatos. Cuan os organizadors paroron cuenta curtaron a escape a corrient electrica en o escenario, por lo que o grupo habió de tanyer dos cancions emplegando megafonos.

Regularment han refirmato organizacions politicas encluyindo:

• Democracy Now!, amaneixindo os suyos zaguers titulars en a pachina oficial d'o grupo.
• PETA, estando un d'os patrocinadors d'a chira The Economy Sucks Let's Party 2010.
• Amnistía Internacional, a la que o grupo donó os diners d'a venda de The People and the Gun y que tamién estió organización patrocinadora d'a chira The Economy Sucks Let's Party en 2010.
• Greenpeace, organización con a que o grupo ha treballato ta mirar de persuadir a os liders mundials a asistir a la conferencia sobre o cambio climatico en Copenhagen. Tamién estió patrocinadera d'a chira The Economy Sucks Let's Party.

Símbolos

A Gun Star (en aragonés "Estrela de pistolas") ye o simbolo d'o grupo Anti-Flag, disenyato por o guitarrista d'Anti-Flag Chris Head. S'emplegó por primera vegata en a portalada d'o disco Mobilize. Dimpués s'ha feito servir tamién en o suyo merchandise. O logo ye composato de bels rifles M16 crebatos formando una estrela. No ye raro que os fans d'Anti-Flag se faigan tatuaches con a "Gun Star". D'atra man, tamién emplegoron os simbolos O & X superpuestos en o LP Die for the Government.

criticas

A decisión d'Anti-Flag de sinyar un contracto con a discografica RCA estió una important fuent de criticas enta o grupo, mas que mas por os suyos fans, ya que RCA ye propiedat de Sony BMG.

En una entrevista con o peridico britanico The Guardian, Justin Sane explanico as razons por as que o grupo sinyó por una gran discografica:

As grans discograficas s'han amanato a nusatros en istos zaguers siet u ueito anyos, pero creyébanos que íbanos a tener un gran impacto a on que yéranos. Nunca no heban quiesto deixar-nos o control de tot. Ista vegata nos deixoron o control de raso sobre as gravacions, os disenyos y as collas con as que feríanos as chiras. No íbanos a estar censuratos. Asinas que si ha existito un momento en que podemos fer-nos sentir a gran escala agora ye l'inte. Estoi que hemos estau una voz en o disierto mientres muito tiempo.

Dende alavez o grupo deixó RCA y publicó o suyo album The People or the Gun en 2009 con a discografica independient SideOneDummy.

Miembros

• Justin Sane – vocalista líder, guitarra ritmica (1988–1989, 1993–present)
• Chris #2 – vocalista líder, baixista (1999–present)
• Chris Head – guitarrista líder, coros (1997–present), baixista (1997)
• Pat Thetic – batería, percusión (1988–1989, 1993–present)

Antigos miembros

• Andy Flag — baixista, coros, a vegatas vocalista líder (1993–1996)
• Jamie Cock — baixista (1997–1999)
• Sean Whelan — baixista (1996–1997)
• Lucy Fester — baixista (1988–1989)

Discografía

• Die for the Government (1996)
• Their System Doesn't Work For You (1998)
• A New Kind of Army (1999)
• Underground Network (2001)
• Mobilize (2002)
• The Terror State (2003)
• For Blood and Empire (2006)
• A Benefit for Victims of Violent Crime (2007)
• The Bright Lights of America (2008)
• The People or the Gun (2009)

Vinclos externos

• Se veigan as imáchens de Commons sobre Anti-Flag.
• (en) Pachina web oficial
• (en) Anti-Flag's/Chris #2's Blog

• Datos: Q574663
• Multimedia: Anti-Flag / Q574663